ഷാർജ: വെള്ളിയാഴ്ച ഷാർജയിൽ നിന്ന് ഇറാനിലെ വിവിധ നഗരങ്ങളിലേക്ക് സർവിസ് നടത്തേണ്ടിയിരുന്ന നിരവധി വിമാനങ്ങൾ എയർ അറേബ്യ റദ്ദാക്കി. എയർലൈനിന്റെ ഔദ്യോഗിക വെബ്‌സൈറ്റിലൂടെയാണ് ഈ വിവരം പുറത്തുവിട്ടത്.

ഷാർജയിൽ നിന്ന് ഇറാൻ തലസ്ഥാനമായ ടെഹ്‌റാൻ, കൂടാതെ ഷിറാസ്, ലാർ, മഷ്ഹദ് എന്നീ നഗരങ്ങളിലേക്കുള്ള വിമാനങ്ങളാണ് റദ്ദാക്കിയത്.

ഷാർജയിൽ നിന്നും ടെഹ്‌റാനിലേക്കുള്ള G9201, ഷിറാസിലേക്കുള്ള G9213, ലാറിലേക്കുുള്ള G9217, മഷ്ഹദിലേക്കുള്ള G9205 തുടങ്ങിയ സർവിസുകളാണ് റദ്ദാക്കിയതെന്ന് റിപ്പോർട്ടുകൾ സൂചിപ്പിക്കുന്നു.

വിമാനങ്ങൾ റദ്ദാക്കാനുള്ള കാരണം എയർ അറേബ്യ ഇതുവരെ വ്യക്തമാക്കിയിട്ടില്ല. കൂടാതെ, റദ്ദാക്കിയ സർവിസുകൾ എന്ന് പുനരാരംഭിക്കുമെന്ന കാര്യത്തിലും നിലവിൽ ഔദ്യോഗിക അറിയിപ്പുകൾ ലഭ്യമല്ല.

ALSO READ: സംഘർഷാവസ്ഥ തുടരുന്നു: ദുബൈയിൽ നിന്നും തുർക്കിയിൽ നിന്നും ഇറാനിലേക്കുള്ള വിമാന സർവിസുകൾ റദ്ദാക്കി

ഇറാനിലെ സംഘർഷാവസ്ഥ കണക്കിലെടുത്ത് തുർക്കിയിൽ നിന്നുമുള്ള നിരവധി വിമാന സർവിസുകൾ റദ്ദാക്കി. യാത്രക്കാർക്ക് വലിയ ബുദ്ധിമുട്ടാണ് ഇത് ഉണ്ടാക്കിയിരിക്കുന്നത്.

ഇസ്താംബൂളിൽ നിന്ന് ടെഹ്‌റാനിലേക്ക് പോകേണ്ടിയിരുന്ന അഞ്ച് വിമാനങ്ങൾ റദ്ദാക്കിയതായാണ് ടർക്കിഷ് എയർലൈൻസ് അറിയിച്ചത്. കൂടാതെ, ഇറാനിയൻ എയർലൈൻസുകൾ നടത്തേണ്ടിയിരുന്ന അഞ്ച് സർവിസുകളും റദ്ദാക്കിയിട്ടുണ്ട്.

ഔദ്യോഗികമായി കൃത്യമായ കാരണങ്ങൾ അധികൃതർ വ്യക്തമാക്കിയിട്ടില്ലെങ്കിലും, മേഖലയിലെ അസ്ഥിരമായ സാഹചര്യമാണ് വിമാന സർവിസുകൾ റദ്ദാക്കിയതിന് പിന്നിലെന്നാണ് സൂചന.

Air Arabia has cancelled several scheduled flights from Sharjah to Iranian cities, including Tehran, Shiraz, Lar, and Mashhad. While the cancellations were confirmed via the airline's official website, no specific reason for the disruption or timeline for resumption has been provided, leaving many passengers facing travel uncertainty.