പാലക്കാട്: പാലക്കാട് എം.എല്‍.എ രാഹുല്‍ മാങ്കൂട്ടത്തിലിന്റെ അറസ്റ്റില്‍ പ്രതികരിച്ച് മന്ത്രി വി.ശിവന്‍കുട്ടി. രാഹുല്‍ ചെയ്തത് നിഷ്ഠൂരമായ കാര്യമാണെന്നും എം.എല്‍.എ സ്ഥാനം രാജിവെക്കണമെന്നും വി.ശിവന്‍കുട്ടി പറഞ്ഞു. 

രാഹുലിന് ഇപ്പോഴും കോണ്‍ഗ്രസ് പിന്തുണയുണ്ടെന്ന് മന്ത്രി കുറ്റപ്പെടുത്തി. രാഹുലിനെതിരെ ഡസന്‍ കണക്കിന് പരാതികള്‍ വരുന്നുണ്ടെന്നും കുറ്റക്കാരെ സംരക്ഷിക്കില്ലെന്നാണ് സര്‍ക്കാര്‍ നിലപാടെന്നും മന്ത്രി തിരുവനന്തപുരത്ത് പറഞ്ഞു.

ALSO READ: മൂന്നാം ബലാത്സംഗ കേസില്‍ രാഹുല്‍ മാങ്കൂട്ടത്തില്‍ അറസ്റ്റില്‍

ഇനിയെങ്കിലും എം.എല്‍.എ സ്ഥാനം മറയായി ഉപയോഗിക്കാതിരിക്കാന്‍ കോണ്‍ഗ്രസ് നടപടി സ്വീകരിക്കണം. കോണ്‍ഗ്രസ് തന്നെയാണ് ഉത്തരവാദിത്വം ഏല്‍ക്കേണ്ടതെന്നും സര്‍ക്കാര്‍ ചെയ്യേണ്ടതെല്ലാം ചെയ്തുവെന്നും മന്ത്രി പറഞ്ഞു. കോണ്‍ഗ്രസിന്റെ ഭാഗത്തുനിന്നും രാഹുലിന് പിന്തുണ ലഭിക്കുന്നുണ്ടെന്നും കര്‍ശനമായ നടപടിയിലേക്ക് പോകാന്‍ കോണ്‍ഗ്രസ് ഭയക്കുന്നുവെന്നും മന്ത്രി പറഞ്ഞു. 

ALSO READ: യുവതി രാഹുലിനെതിരെ ശക്തമായ തെളിവുകള്‍ കൈമാറിയതായി റിപ്പോര്‍ട്ട്; നേരിട്ടത് ക്രൂര പീഡനങ്ങളെന്ന് പരാതിയില്‍ 

അതേസമയം, രാഹുല്‍ സ്വയം എം.എല്‍.എ സ്ഥാനം രാജിവയ്ക്കണമായിരുന്നുവെന്ന് കെ.മുരളീധരനും പ്രതികരിച്ചു. രാഹുലിനെതിരെ നടപടി എടുക്കേണ്ട സമയത്ത് എടുത്തിട്ടുണ്ട്. പുറത്താക്കിയ ആളെ കുറിച്ച് ഇനി കൂടുതല്‍ പറയാനില്ലെന്നും അദ്ദേഹം പറഞ്ഞു. 

ആദ്യ രണ്ട് കേസുകളിലും മുന്‍കൂര്‍ ജാമ്യം നേടിയ രാഹുലിനെ ഇന്നലെ അര്‍ധരാത്രി പാലക്കാട് കെ.പി.എം ഹഹോട്ടലിലെത്തി പൊലിസ് കസ്റ്റഡിയിലെടുക്കുകയായിരുന്നു. പത്തനംതിട്ട സ്വദേശിനിയായ യുവതി ഇ-മെയില്‍ വഴിയാണ് പരാതി നല്‍കിയത്. 

Kerala Minister V. Sivankutty has strongly reacted to the arrest of Palakkad MLA Rahul Mankootathil, stating that the alleged acts are brutal and that Rahul should immediately resign from his MLA position. Speaking in Thiruvananthapuram, the minister accused the Congress party of continuing to support Rahul despite serious allegations against him.