കോട്ടയം: എംസി റോഡിലെ മോനിപ്പള്ളിയില്‍ കെ.എസ്.ആര്‍.ടി.സി ബസും കാറും കൂട്ടിയിടിച്ച് മൂന്നുമരണം. കാറിലുണ്ടായിരുന്ന മൂന്നുപേരും സംഭവസ്ഥലത്തുവച്ചുതന്നെ മരിച്ചു. അപകടത്തില്‍ മൂന്ന് പേര്‍ക്ക് ഗുരുതരമായി പരുക്കേറ്റിട്ടുണ്ട്. 

ഇന്ന് രാവിലെ 11 മണിയോടെയായിരുന്നു അപകടം. നീണ്ടൂര്‍ ഓണംതുരുത്ത് കറുപ്പന്‍പറമ്പില്‍ കെ.കെ. സുരേഷ് കുമാര്‍ എന്നയാളും എട്ടു വയസ്സുള്ള കുട്ടിയും സ്ത്രീയുമാണ് മരിച്ചത്. പരുക്കേറ്റ മൂന്നുപേരെ തെള്ളകത്ത സ്വകാര്യ ആശുപത്രിയില്‍ പ്രവേശിപ്പിച്ചു. 

മൂവാറ്റുപുഴ ഭാഗത്തുനിന്ന് ഏറ്റുമാനൂരിലേക്ക് വരികയായിരുന്നു കാര്‍. കോട്ടയം-കൂത്താട്ടുകുളം റൂട്ടില്‍ സര്‍വീസ് നടത്തുന്ന ബസാണ് കാറുമായി കൂട്ടിയിടിച്ചത്. നിയന്ത്രണം നഷ്ടപ്പെട്ട കാര്‍ കെ.എസ്.ആര്‍.ടി.സി ബസ്സിലേക്ക് ഇടിച്ചു കയറുകയായിരുന്നുവെന്ന് ദൃക്‌സാക്ഷികള്‍ പറയുന്നു. 

ഇടിയുടെ ആഘാതത്തില്‍ പൂര്‍ണമായും തകര്‍ന്ന കാറിനുള്ളില്‍നിന്ന് നാട്ടുകാരും പൊലിസും ചേര്‍ന്നാണ് യാത്രക്കാരെ പുറത്തെടുത്തത്. 

Three people were killed in a tragic road accident involving a car and a KSRTC bus at Monippally on the MC Road in Kottayam on Tuesday morning. The victims, who were travelling in the car, died on the spot after the vehicle lost control and rammed into the bus.