ഡൽഹി: രാജ്യത്ത് വീണ്ടും പണപ്പെരുപ്പ നിരക്ക് വർദ്ധിച്ചു.  ഡിസംബറിൽ ചില്ലറ വിലയെ അടിസ്ഥാനമാക്കിയുള്ള പണപ്പെരുപ്പ് നിരക്ക് 1.33 ശതമാനമായാണ് ഉയർന്നത്.  മൂന്നു മാസത്തിനിടയിലുള്ള ഏറ്റവും ഉയർന്ന പണപെരുപ്പ നിരക്കാണിത്. 

കഴിഞ്ഞ മാസത്തെ പണപ്പെരുപ്പ നിരക്ക് 0.7 ശതമാനം ആയിരുന്നു. കഴിഞ്ഞവർഷം ശരാശരി 2.2 ശതമാനം ആയിരുന്നു പണപ്പെരുപ്പ നിരക്ക് ഉണ്ടായിരുന്നത്. ഇത് 12  വർഷത്തിനിടയിലെ ഏറ്റവും താഴ്ന്ന നിലയിലാണ്. പണപ്പെരുപ്പ നിരക്ക് ആർബിഐയുടെ താഴ്ന്ന ടോളറൻസ് പരിധിയായ രണ്ട് ശതമാനത്തിലും താഴെ തന്നെയാണ് ഉള്ളത്. 

2012 അടിസ്ഥാന വർഷമാക്കി കണക്കാക്കിയിട്ടുള്ള അവസാന പണപ്പെരുപ്പ നിർണയം ആയിരുന്നു ഡിസംബറിൽ നടന്നത്.  ജനുവരി മുതൽ 2024 വർഷത്തെ അടിസ്ഥാനമാക്കിയാണ് പണപ്പെരുപ്പ നിരക്ക് നിശ്ചയിക്കുന്നത്. ജനുവരി മാസത്തെ പണപ്പെരുപ്പ നിരക്ക് ഫെബ്രുവരി 12നാണ് പുറത്ത് വരുക.