മലപ്പുറം: കരുവാരക്കുണ്ടില്‍ കാണാതായ ഒന്‍പതാം  ക്ലാസ് വിദ്യാര്‍ഥിയുടെ  മൃതദേഹം റെയില്‍വേ ട്രാക്കില്‍നിന്ന് കണ്ടെത്തി.  നിലമ്പൂര്‍ ഷൊര്‍ണ്ണൂര്‍ റൂട്ടിലെ തൊടിയപ്പുലം റെയില്‍വേ ട്രാക്കിനടുത്തായാണ് മൃതദേഹം കണ്ടെത്തിയത്. കൈകള്‍ കൂട്ടിക്കെട്ടിയ നിലയിലായിരുന്നു മൃതദേഹം. 

സ്‌കൂള്‍ യൂണിഫോം ആണ് ധരിച്ചിരുന്നത്. കൊലപാതകമെന്ന നിഗമനത്തിലാണ് പൊലിസ്. കഴിഞ്ഞദിവസമാണ് കരുവാരക്കുണ്ടില്‍നിന്ന് ഒന്‍പതാം ക്ലാസ് വിദ്യാര്‍ഥിനിയെ കാണാതായത്. ഇന്നലെ രാവിലെ 9.30ന് കുട്ടി കരുവാരകുണ്ട് സ്‌കൂള്‍ പടിയില്‍ ബസിറങ്ങിയ കുട്ടിയെ പിന്നീട് ആരും കണ്ടിരുന്നില്ല.

സംഭവവുമായി ബന്ധപ്പെട്ട് പതിനാറു വയസുകാരനെ പൊലിസ് കസ്റ്റഡിയില്‍ എടുത്തിട്ടുണ്ട്.പതിനാറുകാരന്‍ കുറ്റസമ്മതം നടത്തിയെന്നാണ് സൂചന.