മലപ്പുറം: തെരുവ് നായ ആക്രമണത്തില്‍ നിന്ന് പെണ്‍കുട്ടിയെ രക്ഷിക്കാന്‍ ശ്രമിച്ചയാളെ ആക്രമിച്ച് തെരുവുനായ. തിരൂര്‍ ചമ്രവട്ടം ആനൊഴുക്കുപാലത്തെ നിര്‍മാണ തൊഴിലാളിയായ സുരേഷിനെയാണ് തെരുവുനായ ആക്രമിച്ചത്. കഴിഞ്ഞ ബുധനാഴ്ച്ചയാണ് സംഭവം. 

മദ്രസയില്‍ നിന്ന് വരികയായിരുന്ന 14 കാരിയെ തെരുവുനായയില്‍ നിന്ന് രക്ഷിക്കുമ്പോഴാണ് സുരേഷിനെ നായ ആക്രമിച്ചത്. സുരേഷ് സമീപത്ത് ബസ് കാത്തുനില്‍ക്കുകയായിരുന്നു. ആക്രമണത്തിനിടെ ഓടയില്‍ വീണ സുരേഷിന് ഗുരുതരമായി പരുക്കേറ്റു. 

ഇതിനിടെ ഓടയില്‍ വീണുപോയ സുരേഷിനെ നായ വിടാതെ ഉപദ്രവിക്കുകയായിരുന്നു. സുരേഷിന് 15 സ്ഥലത്ത് മുറിവേറ്റിട്ടുണ്ട്. സമീപത്തുണ്ടായിരുന്നവര്‍ ഓടിയെത്തി നായയെ അടിച്ചെങ്കിലും നായ പിന്മാറാതെ വീണ്ടും ഉപദ്രവിക്കുകയായിരുന്നു. കുറേ സമയം നായ സുരേഷിന്റെ കൈയ്യില്‍ തന്നെ കടിച്ചുനിന്നു. സുരേഷ് സമീപത്തുള്ള ആശുപത്രിയില്‍ ചികിത്സ തേടി. സംഭവത്തിന്റെ സി.സിടിവി ദൃശ്യങ്ങള്‍ പുറത്തുവന്നിട്ടുണ്ട്. 

A construction worker was seriously injured while trying to save a teenage girl from a stray dog attack in Tirur, Malappuram district. The incident occurred last Wednesday near the Chamaravattom Anozhukku Bridge.