ആലപ്പുഴ: എന്‍.എസ്.എസ്സിനെ, എസ്.എന്‍.ഡി.പിയുമായി തെറ്റിച്ചത് മുസ് ലിം ലീഗാണെന്ന് എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. ലീഗ് തങ്ങളെ അകറ്റിനിര്‍ത്തിയെന്ന് വെള്ളാപ്പള്ളി പറഞ്ഞു. സാമുദായിക കൂട്ടായ്മ അനിവാര്യമാണെന്നും ഭിന്നിച്ചുനില്‍ക്കുന്നത് കാലഘട്ടത്തിന് എതിരെന്നും വെള്ളാപ്പള്ളി പറഞ്ഞു. മലപ്പുറത്തെ എന്റെ സംസാരത്തെ വക്രീകരിച്ച് വര്‍ഗീയവാദിയാക്കി മാറ്റിയെന്നും വെള്ളാപ്പള്ളി പറഞ്ഞു. താന്‍ മുസ് ലിം വിരോധിയല്ല. മുസ് ലിം ലീഗിന്റെ വര്‍ഗീയ സ്വഭാവത്തയൊണ് ഞാന്‍ എതിര്‍ത്തത്. ഞാന്‍ മുസ് ലിം സമുദായത്തെ സഹോദര തുല്യം സ്‌നേഹിക്കുന്നു.  മുസ് ലിം സമുദായത്തിന് വിരോധമായിട്ട് ഒരു വാക്കുപോലും പറഞ്ഞിട്ടില്ല. എന്നെ വര്‍ഗീയവാദിയാക്കുക. ആടിനെ പട്ടിയാക്കി പേപട്ടിയാക്കി തല്ലിക്കൊല്ലുക.- വെള്ളാപ്പള്ളി പറഞ്ഞു

''ലീഗാണ് ഞങ്ങള്‍ തമ്മില്‍ യോജിക്കാന്‍ പാടില്ലെന്ന് പറഞ്ഞ് തമ്മില്‍ അകറ്റിനിര്‍ത്തിക്കൊണ്ട് ഈ പണികളെല്ലാം ചെയ്തത്. ഭരണത്തില്‍ വന്നിട്ട് ഒരു പരിഗണനയും തന്നില്ല. ഈ അവഗണനയെല്ലാം അനുഭവിച്ചിട്ട് എവിടെയെത്തി. ഇന്ന് ഭൂരിപക്ഷ സമുദായത്തിന്റെ ഐക്യം മാത്രമല്ല. നായാടി തൊട്ട് നസ്രാണി വരെയുള്ള വരുടെ യോജിപ്പ് അനിവാര്യമാണെന്ന ചിന്തയിലേക്ക് കാര്യങ്ങള്‍ എത്തിയെന്നും അദ്ദേഹം പറഞ്ഞു. 

ALSO READ: ദുരിതകാലമേ വിട, കലയുടെ കരുത്തുണ്ട് ഞങ്ങൾക്ക്... ചൂരല്‍മലയിലെ കുട്ടികള്‍ക്ക് വഞ്ചിപ്പാട്ടിൽ എ ഗ്രേഡ്, മന്ത്രിയുടെ അഭിനന്ദനം

പ്രതിപക്ഷ നേതാവ് വി.ഡി സതീശനെതിരെയും വെള്ളാപ്പള്ളി പരിഹാസമുന്നയിച്ചു. സതീശന്‍ ഇന്നലെ പൂത്ത തകരയാണെന്നായിരുന്നു വെള്ളാപ്പള്ളിയുടെ പരിഹാസം.

''ഇന്നലെ പൂത്ത ഒരു തകരയുണ്ട് സതീശന്‍. ഞാന്‍ അതിനെ പറ്റി പറയുന്നില്ല. അപ്രസക്തന്‍. അദ്ദേഹമാണ് ഇങ്ങനെയെല്ലാം പറഞ്ഞുകൊണ്ടിരിക്കുന്നത്. ഞാന്‍ വര്‍ഗീയവാദിയാണെന്ന്. അതിനുള്ള മറുപടി കാന്തപുരം തന്നെ പറഞ്ഞിട്ടുണ്ട്. സതീശനെ പരസ്യമായി താക്കീത് നല്‍കി. മുതിര്‍ന്ന നേതാക്കളായ എ.കെ. ആന്റണിയും രമേശ് ചെന്നിത്തലയും കെ.സി വേണുഗോപാലും ഉണ്ടല്ലോ. ഞാന്‍ വര്‍ഗീയവാദിയാണെന്ന്  അവര്‍ പറയട്ടേ.എന്നാല്‍ അംഗീകരിക്കാം.''- വെള്ളാപ്പള്ളി പറഞ്ഞു. 

എന്‍.എസ്.എസും എസ്.എന്‍.ഡി.പിയും ഒന്നിച്ചാല്‍ ഈ രാജ്യത്ത് സുനാമി സംഭവിക്കുമോ? യോജിക്കേണ്ടവര്‍ യോജിച്ചേ തീരു. സമൂഹം രണ്ട് കൈയ്യും നീട്ടി സ്വീകരിക്കുന്ന അവസ്ഥയിലേക്ക് അത് എത്തി. എസ്.എന്‍.ഡി.പിയെ പിളര്‍ത്താന്‍ ശ്രമിച്ചവരൊക്കെ സ്വയം നശിച്ചിട്ടേ ഉള്ളൂവെന്നും വെള്ളാപ്പള്ളി കൂട്ടിച്ചേര്‍ത്തു. 

SNDP Yogam General Secretary Vellappally Nadesan has once again sparked controversy with statements alleging that the Muslim League was responsible for creating rifts between the Nair Service Society (NSS) and SNDP Yogam. Speaking in Alappuzha, Vellappally claimed that the League deliberately kept the two community organisations apart and neglected them despite being in power.