കൊച്ചി: ശബരിമല സ്വര്‍ണക്കൊള്ള കേസില്‍ നിര്‍ണായക അന്വേഷണ പുരോഗതി റിപ്പോര്‍ട്ട് എസ്.ഐ.ടി ഹൈക്കോടതിയില്‍ സമര്‍പ്പിച്ചു. സ്വര്‍ണക്കൊള്ള കേസ് ഹൈക്കോടതി ഇന്ന് പരിഗണിക്കുന്നതിന് മുന്നോടിയായാണ് റിപ്പോര്‍ട്ട് കൈമാറിയത്. 

സന്നിധാനത്തെ ദ്വാരപാലക ശില്‍പങ്ങള്‍, കട്ടിളപ്പാളി എന്നിവയില്‍ പൊതിഞ്ഞ സ്വര്‍ണത്തിന്റെ അളവില്‍ കുറവുണ്ടെന്ന് വിക്രം സാരാഭായ് സ്പേസ് സെന്ററിലെ (വി.എസ്.എസ്.സി) ശാസ്ത്രീയ പരിശോധനാ റിപ്പോര്‍ട്ടില്‍ സ്ഥിരീകരിച്ചിട്ടുള്ളതായാണ് സൂചന. 1998ല്‍ സ്ഥാപിച്ച പാളികളിലെ സ്വര്‍ണത്തിന്റെ തൂക്കവുമായി താരതമ്യം ചെയ്തപ്പോഴാണ് ഈ വ്യത്യാസം കണ്ടെത്തിയത്.

ALSO READ: ഇന്നും സ്വര്‍ണക്കുതിപ്പ്, സര്‍വ്വകാല റെക്കോര്‍ഡ്; പവന് 1400 രൂപയുടെ മുന്നേറ്റം 

ഈ പരിശോധനാ റിപ്പോര്‍ട്ടാണ് പ്രത്യേക അന്വേഷണസംഘം ഇന്ന് ഹൈക്കോടതിയില്‍ സമര്‍പ്പിക്കുന്നത്. 2019ല്‍ അറ്റകുറ്റപ്പണികള്‍ക്കായി സ്വര്‍ണപ്പാളികള്‍ പുറത്തുകൊണ്ടുപോയപ്പോള്‍ യഥാര്‍ഥ സ്വര്‍ണം മാറ്റി പകരം സ്വര്‍ണം പൂശിയ ചെമ്പുപാളികള്‍ വച്ചുവെന്നാണ് എസ്.ഐ.ടി കണ്ടെത്തിയത്.

തന്ത്രി കണ്ഠര് രാജീവര്, ശങ്കരദാസ് എന്നിവരുടെ അറസ്റ്റിനു ശേഷമുള്ള തുടര്‍ നടപടികളും എസ്.ഐ.ടി ഹൈക്കോടതിയെ അറിയിക്കും. 

അതേസമയം, സ്വര്‍ണക്കൊള്ള കേസിലെ എസ്.ഐ.ടി അന്വേഷണം കാര്യക്ഷമമല്ലെന്നും സി.ബി.ഐ അന്വേഷണം നടത്തണമെന്നും ആവശ്യപ്പെട്ട് അഖില കേരള തന്ത്രി പ്രചാരക് സഭ ഹൈക്കോടതിയില്‍ ഹരജി നല്‍കി. സംസ്ഥാന സര്‍ക്കാരിന്റെ കീഴിലുള്ള പൊലിസ് രാഷ്ട്രീയ ഉന്നതരെ സംരക്ഷിക്കാന്‍ ശ്രമിക്കുകയാണെന്നും അതിനാല്‍ അന്വേഷണം സി.ബി.ഐ ഏറ്റെടുക്കണമെന്നുമാണ് ഹരജിയില്‍ ആവശ്യപ്പെടുന്നത്. 

The Special Investigation Team (SIT) submitted a crucial interim progress report to the Kerala High Court in the Sabarimala gold theft case ahead of the hearing. Scientific analysis by the Vikram Sarabhai Space Centre reportedly confirmed a reduction in the amount of gold used on temple structures, indicating that original gold plates were replaced with gold-coated copper sheets during renovation works in 2019