റിയാദ്: യമനിലെ വിവിധ പ്രദേശങ്ങളിൽ ഒളിപ്പിച്ചുവെച്ചിരിക്കുന്ന കുഴിബോംബുകളും പൊട്ടിത്തെറിക്കാത്ത സ്ഫോടകവസ്തുക്കളും നീക്കം ചെയ്യുന്നതിനായി സഊദി അറേബ്യയുടെ പദ്ധതിയായ 'പ്രോജക്ട് മസാം' വൻ വിജയത്തിലേക്ക്. തെക്കുപടിഞ്ഞാറൻ യമനിലെ ബാബ് അൽ-മന്ദബ് മേഖലയിൽ നിന്ന് ഒറ്റദിവസം കൊണ്ട് 4,235 മൈനുകളും പൊട്ടിത്തെറിക്കാത്ത സ്ഫോടകവസ്തുക്കളുമാണ് പ്രോജക്ട് മസാം പദ്ധതി പ്രകാരം സംഘം കണ്ടെത്തി നീക്കം ചെയ്തത്. യമൻ ജനതയ്ക്ക് കരുതലേകുകയാണ് ഈ ദൗത്യം കൊണ്ട് ലക്ഷ്യമിടുന്നതെന്ന് പ്രോജക്ട് ഡയറക്ടർ ജനറൽ ഒസാമ അൽ-ഖുസൈബി പറഞ്ഞു.

ALSO READ: പുണ്യം തേടി ഇരു ഹറമുകളിലും എത്തിയത് 7.8 കോടി തീർത്ഥാടകർ; ഉംറ നിർവ്വഹിച്ചത് ഒന്നരക്കോടിയിലധികം പേർ, കണക്കുകൾ പുറത്തുവിട്ട് ജനറൽ അതോറിറ്റി

33 ടാങ്ക് വിരുദ്ധ മൈനുകൾ, 31 ആൾവിരുദ്ധ മൈനുകൾ, 86 വിവിധതരം ഷെല്ലുകൾ, 2,750 റൗണ്ട് വെടിയുണ്ടകൾ, സ്ഫോടക വസ്തുക്കളിൽ ഉപയോഗിക്കുന്ന 1,291 വാൽവുകളും ബ്രേക്കറുകളും, 12 ഗ്രനേഡുകൾ, രണ്ട് കത്യുഷ റോക്കറ്റുകൾ, ഒരു മിസൈൽ തുടങ്ങിയവയാണ് കഴിഞ്ഞ ബുധനാഴ്ച മാത്രം നീക്കം ചെയ്തത്. യമൻ സാധാരണക്കാരുടെ സഞ്ചാരം സുരക്ഷിതമാക്കാനും സ്ഫോടനങ്ങളിൽ പരിക്കേറ്റവർക്ക് ആവശ്യമായ സഹായങ്ങളും പദ്ധതി വാഗ്ദാനം ചെയ്യുന്നു. 

Saudi Arabia's Project Masam successfully cleared 4,235 mines and unexploded ordnance in a single day from Yemen's Bab Al-Mandab region. Led by Director General Osama Al-Gosaibi, the mission aims to ensure civilian safety by demining roads, schools, and villages while providing aid to those injured by explosives.