നെയ്യാറ്റിന്‍കര: നെയ്യാറ്റിന്‍കരയില്‍ ഒരു മരിച്ച സംഭവത്തില്‍ പിതാവിന്റെ ക്രൂരതകള്‍ വെളിപ്പെടുത്തി മാതാവിന്റെ
 മൊഴി. പ്രതി ഷിജില്‍ കൊടും കുറ്റവാളിയുടെ മാനസികാവസ്ഥയുള്ളയാളെന്നാണ് പൊലിസ് പറയുന്നത്. ഭാര്യയുമായുള്ള ബന്ധത്തിനിടെ കുഞ്ഞ് കരഞ്ഞത് പ്രതിക്ക് പ്രകോപനമുണ്ടാക്കിയെന്നും കുഞ്ഞിനെ ക്രൂരമായി മര്‍ദ്ദിച്ചെന്നും പൊലിസ് പറയുന്നു. കാഞ്ഞിരംകുളം തവ്വാവിള ഷിജില്‍ ഭവനില്‍ നെയ്യാറ്റിന്‍കര കവളാകുളം ഐക്കരവിള വീട്ടില്‍ വാടകക്ക് താമസിക്കുന്ന ഷിജിലിന്റെയും കൃഷ്ണപ്രിയയുടെയും ഏക മകന്‍ ഇഹാന്‍ (അപ്പു) കഴിഞ്ഞ ദിവസമാണ് മരിച്ചത്.

നിരവധി തവണ കുഞ്ഞ് മര്‍ദ്ദനത്തിന് ഇരയായിട്ടുണ്ട്. പിതാവിന്റെ ക്രൂരമര്‍ദനത്തെ തുടര്‍ന്നാണ് കുഞ്ഞ് മരിച്ചതെന്നാണ് മാതാവ് പൊലിസിന് മൊഴി നല്‍കിയിരിക്കുന്നത്. കുഞ്ഞ് കരഞ്ഞാല്‍ അമ്മ കാണാതെ ഇയാള്‍ മര്‍ദിക്കുന്നത് പതിവാണ്. ഇഹാന്‍ പലപ്പോഴും പിതാവിനെ കാണുമ്പോള്‍ ഞെട്ടിമാറുകയും കരയുന്നതും ശ്രദ്ധയില്‍ പെട്ടിട്ടുണ്ട്. എന്നാല്‍ മകനെ മര്‍ദിക്കുന്നത് മാതാവ് കണ്ടിരുന്നില്ല. കുഞ്ഞിന്റെ കൈ ഒടിഞ്ഞതും ഷിജിലിന്റെ മര്‍ദനമേറ്റാണ്.

ALSO READ: ആശുപത്രിയിലെത്തിയത് ശ്വാസമെടുക്കാന്‍ പോലുമാകാത്ത അവസ്ഥയില്‍, എന്നിട്ടും  ഡോക്ടര്‍ എത്തിയില്ല, സ്വിഗ്ഗി ജീവനക്കാരന്റെ മരണത്തില്‍ വിളപ്പില്‍ ശാല ആശുപത്രിക്കെതിരെ പരാതി

ഇയാള്‍ക്ക് നിരവധി സ്ത്രീകളുമായി ബന്ധമുണ്ടെന്നും പൊലിസ് പറയുന്നു.  പ്രതി ലൈംഗികവൈകൃതമുള്ളയാളാണ്.  സെക്സ് ചാറ്റ് ആപ്പുകളിലടക്കം സജീവമാണ്. പ്രതി മുമ്പും തന്നെ ഉപദ്രവിച്ചിരുന്നതായി ഭാര്യ മൊഴി നല്‍കിയിട്ടുണ്ടെന്നും പൊലിസ് വ്യക്തമാക്കി. നിറമില്ലെന്ന് പറഞ്ഞും സ്ത്രീധനം കുറവാണെന്ന് പറഞ്ഞും പതിവായി ഉപദ്രവിക്കാറുണ്ടായിരുന്നു.

ഒരു വയസുകാരന്റെ കൊലപാതകത്തില്‍ പിതാവ് ഷിജിന്‍ കഴിഞ്ഞദിവസം കുറ്റം സമ്മതിച്ചിരുന്നു. ഭാര്യയിലുള്ള സംശയം മൂലമാണ് താന്‍ കുഞ്ഞിനെ കൊലപ്പെടുത്തിയതെന്നാണ് ഷിജിന്‍ പൊലിസിനോട് പറഞ്ഞത്. മൂന്നാം തവണ നടത്തിയ ചോദ്യം ചെയ്യലിലാണ് ഇയാള്‍ കുറ്റം സമ്മതിച്ചത്. കുട്ടിയെ മടിയിലിരുത്തി കൈമുട്ട് കൊണ്ട് വയറ്റില്‍ ഇടിച്ചെന്നും ഇതോടെ കുഞ്ഞ് കുഴഞ്ഞുവീണെന്നുമാണ് ഷിജിന്‍ പൊലിസിന് നല്‍കിയ മൊഴി. നെയ്യാറ്റിന്‍കര ഡി.വൈ.എസ്.പിയുടെ നേതൃത്വത്തിലുള്ള പൊലിസ് സംഘത്തിന്റെ ചോദ്യം ചെയ്യലിലാണ് കുറ്റസമ്മതം.ഫോറന്‍സിക് റിപ്പോര്‍ട്ട് വന്നതോടെയാണ് മരണത്തിന്റെ ചുരുളഴിഞ്ഞത്.

the mother has revealed shocking details of alleged cruelty by the father in the neyattinkara infant death case, with police stating the accused confessed to killing the one-year-old following repeated abuse.