കടയില്‍ പോയി സാധനം വാങ്ങാന്‍ പണം വേണമെന്ന് നമ്മള്‍ മനുഷ്യര്‍ക്ക് അറിയാം. എന്നാല്‍ ബ്രസീലിലെ ഒരു ഇന്‍സ്റ്റിറ്റ്യൂട്ടിലെ 'പിറ്റുക്കോ' (Pituco) എന്ന് പേരുള്ള നായയ്ക്ക് പണമില്ലെങ്കിലും ബിസ്‌ക്കറ്റ് വാങ്ങാന്‍ ഒരു വഴിയറിയാം. സോഷ്യല്‍ മീഡിയയില്‍ വൈറലായ ഈ നായയുടെ കഥ ഏതൊരു സിനിമയെയും വെല്ലുന്നതാണ്.

ഇലയാണ് ഇവന്റെ കറന്‍സി..!
ദിവസവും കടയില്‍ ആളുകള്‍ പണം നല്‍കി സാധനങ്ങള്‍ വാങ്ങുന്നത് പിറ്റുക്കോ ശ്രദ്ധിക്കുമായിരുന്നു. പണം നല്‍കിയാല്‍ പകരം എന്തെങ്കിലും കിട്ടുമെന്നവന്‍ മനസ്സിലാക്കി. അങ്ങനെ ഒരു ദിവസം അവന്‍ കടയില്‍ ചെന്ന് ഒരു പച്ചില കടയുടമയ്ക്ക് നല്‍കി. നായയുടെ സ്‌നേഹവും ബുദ്ധിയും കണ്ട കടക്കാരന്‍ പകരം അവന് ഒരു ബിസ്‌ക്കറ്റ് നല്‍കി.

അന്നുമുതല്‍ പിറ്റുക്കോയ്ക്ക് ഒരു ശീലമുണ്ട്; വിശക്കുമ്പോള്‍ പറമ്പില്‍ നിന്ന് ഒരു ഉണക്കയിലയോ പച്ചിലയോ കടിച്ചെടുത്ത് അവന്‍ നേരെ കടയിലേക്ക് വരും. ഇല കൗണ്ടറില്‍ വെച്ച് ബിസ്‌ക്കറ്റിനായി കാത്തിരിക്കും. കടക്കാരനാകട്ടെ, ഈ 'ഇലപ്പണം' സ്വീകരിച്ച് അവന് ബിസ്‌ക്കറ്റ് പാക്കറ്റ് നല്‍കുകയും ചെയ്യും.

 ALSO READ: എന്നെ വില്‍ക്കാന്‍ നോക്കണ്ട'; വാങ്ങാന്‍ ആള് വന്നാല്‍ 'ചത്തപോലെ' കിടക്കും - ചൈനയിലെ ഈ കുഞ്ഞാട് ഒരു 'കിടിലന്‍' നടനാണ് 

കടം വീട്ടുന്ന ഉടമസ്ഥര്‍

കടക്കാരന്‍ വെറുതെ ബിസ്‌ക്കറ്റ് കൊടുക്കുകയാണെന്ന് വിചാരിക്കണ്ട. പിറ്റുക്കോ എത്ര തവണ വന്ന് ഇല നല്‍കി ബിസ്‌ക്കറ്റ് വാങ്ങിയെന്ന് കടയുടമ കൃത്യമായി കണക്ക് വെക്കും. മാസാവസാനം അവന്റെ ഉടമസ്ഥര്‍ വന്ന് ഈ ബിസ്‌ക്കറ്റുകളുടെയെല്ലാം പണം കടയില്‍ നല്‍കാറാണ് പതിവ്. താന്‍ ഇല കൊടുത്താണ് ഇത് വാങ്ങുന്നതെന്ന അഭിമാനത്തില്‍ പിറ്റുക്കോ ഇന്നും ബിസ്‌ക്കറ്റ് പാക്കറ്റുമായി നടക്കുന്നു.

A clever dog named Pituco in Brazil "buys" treats from a local shop by offering tree leaves as currency, inspired by watching humans use cash.