കണ്ണൂര്‍: കഴിഞ്ഞ ജനുവരിയില്‍ സംസ്ഥാനത്ത് ലഭിക്കേണ്ടതിനെക്കാള്‍ കൂടുതല്‍ മഴ ലഭിച്ചുവെന്ന് കേന്ദ്ര കാലാവസ്ഥാ വകുപ്പ്. സാധാരണ ലഭിക്കേണ്ടതിനെക്കാള്‍ 55 ശതമാനം അധികമഴയാണ് സംസ്ഥാനത്ത് ലഭിച്ചു. 7.4 മില്ലീമീറ്റര്‍ മഴ ലഭിക്കേണ്ട ജനുവരിയില്‍ സംസ്ഥാനത്ത് ഇത്തവണ ലഭിച്ചത് 11.4 മില്ലീമീറ്റര്‍ മഴയാണ്. കഴിഞ്ഞ വര്‍ഷം ജനുവരിയില്‍ 5.5 മില്ലീമീറ്റര്‍ മഴ മാത്രമാണ് ലഭിച്ചത്. 2024ല്‍ 58.8 മില്ലീമീറ്റര്‍ മഴ ലഭിച്ചിരുന്നു. 

കോഴിക്കോട്, കണ്ണൂര്‍ ജില്ലകളിലാണ് ഇത്തവണ ജനുവരിയില്‍ കൂടുതല്‍ മഴ ലഭിച്ചത്. മലപ്പുറം ,കൊല്ലം ജില്ലകളില്‍ കുറവും. ഫെബ്രുവരിയില്‍ മഴ കുറയുമെന്നും ചൂട് കൂടുമെന്നുമാണ് കേന്ദ്ര കാലാവസ്ഥാ വകുപ്പിന്റെ പ്രവചനം. 

ഫെബ്രുവരിയില്‍ മഴ സാധാരണ ലഭിക്കേണ്ടതിനെക്കാള്‍ കുറയുമെന്നും അതിരാവിലെയുള്ള തണുപ്പ് നിലവിലെ സ്ഥിതി തുടരുമ്പോള്‍ പകല്‍ ചൂട് കൂടുമെന്നും കേന്ദ്ര കാലാവസ്ഥാ വകുപ്പ് പ്രവചിക്കുന്നു. പകല്‍ ചൂട് വടക്കന്‍ കേരളത്തില്‍ സാധാരണയെക്കാള്‍ കൂടുതലും മറ്റിടങ്ങളില്‍ സാധാരണ ലഭിക്കാനും സാധ്യതയെന്നുമാണ് പ്രവചിക്കപ്പെടുന്നത്.

പസഫിക് സമുദ്രത്തിലെ നിലവിലെ ലാനിന പ്രതിഭാസം, വരുംമാസങ്ങളില്‍ ന്യൂട്രല്‍ സ്ഥിതിയിലേക്ക് മാറാനും സാധ്യതയുണ്ടെന്നും  കാലാവസ്ഥാ വകുപ്പ് അറിയിച്ചു. 

The India Meteorological Department (IMD) has reported that Kerala received significantly higher-than-normal rainfall in January. The state recorded 11.4 mm of rainfall, which is about 55 percent more than the normal average of 7.4 mm for the month. In comparison, Kerala received only 5.5 mm of rainfall in January last year, while 2024 recorded 58.8 mm.