ന്യൂസിലാൻഡിനെതിരായ അഞ്ചു ടി-20 മത്സരങ്ങളുടെ പരമ്പരയിൽ സഞ്ജു സാംസൺ നിരാശാജനകമായ പ്രകടനമാണ് നടത്തിയത്. പരമ്പരയിൽ വെറും 46 റൺസ് മാത്രമാണ് സഞ്ജുവിന് നേടാനായത്. വിശാഖപട്ടണത്ത് നടന്ന നാലാം മത്സരത്തിൽ നേടിയ 24 റൺസാണ് സഞ്ജുവിൻ്റെ ഉയർന്ന സ്കോർ. 10,6,0,6 എന്നിങ്ങനെയാണ് മറ്റ് മത്സരങ്ങളിലെ സ്കോറുകൾ. ഇപ്പോൾ സഞ്ജുവിന്റെ ഈ മോശം പ്രകടനങ്ങൾക്ക് കാരണം ആരാണെന്ന് പറഞ്ഞിരിക്കുകയാണ് മുൻ ഇന്ത്യൻ താരം ഇർഫാൻ പത്താൻ. സെലക്ടർമാരുടെ തീരുമാനങ്ങൾ സഞ്ജുവിന്റെ പ്രകടനങ്ങളെ ബാധിച്ചുവെന്നാണ് ഇർഫാൻ പത്താൻ പറഞ്ഞത്. തന്റെ യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

''സഞ്ജു സംസണെ സംബന്ധിച്ചിടത്തോളം അദ്ദേഹം റൺസ് നേടിയിട്ടില്ല. രണ്ട് കാര്യങ്ങൾ മൂലമാണ് ഒരു ബാറ്റർ ബുദ്ധിമുട്ടുന്നത്.  ഒന്നാമതായി മാനസികാവസ്ഥ,  രണ്ടാമതായി ടെക്നിക്കൽ തകരാറുകൾ. അദ്ദേഹം മൂന്ന് സെഞ്ച്വറികൾ നേടിയിട്ടുണ്ട്. മറ്റേതെങ്കിലും താരങ്ങൾക്ക് വേണ്ടി സഞ്ജുവിനോട് ലോവർ ഓർഡറിൽ ബാറ്റ് ചെയ്യാൻ ആവശ്യപ്പെട്ടു. ഇഷാനെ ടീമിൽ എടുക്കാത്തത് ഞങ്ങൾ സെലക്ടർമാരെ കുറ്റപ്പെടുത്തി.  എന്നാൽ സഞ്ജു ഫോമിൽ അല്ലാത്തതിനും അവരെ തന്നെയാണ് കുറ്റപ്പെടുത്തേണ്ടത്. ഒരു താരത്തിന്റെ പൊസിഷൻ മാറ്റി മറ്റൊരു സ്ഥാനത്തേക്ക് കൊണ്ടുവന്നാൽ അതിൽ പ്രശ്നങ്ങൾ ഉണ്ടാകും. സാംസണിന്റെ കാര്യത്തിൽ അതാണ് സംഭവിച്ചത്" ഇർഫാൻ പത്താൻ പറഞ്ഞു.

സ്വന്തം തട്ടകമായ തിരുവനന്തപുരം കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടന്ന മത്സരത്തിൽ ആറ് റൺസ് നേടിയാണ് സഞ്ജു മടങ്ങിയത്. ഒരു ഫോർ മാത്രമാണ് സഞ്ജുവിന് നേടാൻ സാധിച്ചത്. സഞ്ജു കേരളത്തിൽ ഒരുപാട് മത്സരങ്ങളിൽ ബാറ്റെടുത്തിട്ടുണ്ടെങ്കിലും ഇന്ത്യൻ ജേഴ്സിയിൽ സഞ്ജു ഇതാദ്യമായാണ് സ്വന്തം തട്ടകത്തിൽ കളിക്കാനിറങ്ങിയിരുന്നത്. എന്നാൽ ആരാധകരെയെല്ലാം നിരാശപ്പെടുത്തി സഞ്ജു മടങ്ങുകയായിരുന്നു. 

ഈ പരമ്പരയിൽ 46 റൺസ് മാത്രം നേടിയതോടെ അഞ്ചു ടി-20 മത്സരങ്ങളുടെ ഒരു പരമ്പരയിൽ ഏറ്റവും കുറവ് റൺസ് നേടുന്ന ഇന്ത്യൻ ഓപ്പണറായും സഞ്ജു വീണ്ടും മാറി. 2025ൽ ഇംഗ്ലണ്ടിനെതിരെയുള്ള പരമ്പരയിൽ സഞ്ജു 51 റൺസ് നേടിയിരുന്നു. ഇതിനേക്കാൾ മോശം പ്രകടനമാണ് സഞ്ജു ഈ പരമ്പരയിൽ കാഴ്ചവെച്ചത്. 

ചരിത്രത്തിൽ ഇത് മൂന്നാം തവണയാണ് അഞ്ചു ടി-20 മത്സരങ്ങളുടെ പരമ്പരയിൽ 100 റൺസിൽ താഴെ ഇന്ത്യൻ ഓപ്പണർമാർ നേടുന്നത്. ഇതിൽ രണ്ടിലും സഞ്ജുവാണുള്ളത്. 2022ൽ ചെന്നൈ സൂപ്പർ കിങ്‌സ് നായകൻ റിതുരാജ് ഗെയ്ക്‌വാദ് 2022ൽ സൗത്ത് ആഫ്രിക്കക്കെതിരെ 96 റൺസും നേടിയിരുന്നു. 

Sanju Samson has had a disappointing performance in the five-match T20I series against New Zealand. Sanju could only score 46 runs in the series. Sanju's highest score was 24 runs in the fourth match played in Visakhapatnam. His scores in the other matches were 10,6,0,6. Now, former Indian player Irfan Pathan has said who is responsible for Sanju's poor performances. Irfan Pathan said that the decisions of the selectors affected Sanju's performances.