ആലപ്പുഴ: കുടുംബവഴക്കിനെ തുടര്‍ന്ന് നടുറോഡില്‍ ഭാര്യയെ കുത്തിക്കൊന്ന കേസിലെ പ്രതി രാജേഷിന് ഇരട്ട ജീവപര്യന്തം. ആലപ്പുഴ അഡീഷണല്‍ സെഷന്‍സ് കോടതി ജഡ്ജി എസ്.ഭാരതിയാണ് ശിക്ഷ വിധിച്ചത്. രാജേഷ് കുറ്റക്കാരനാണെന്ന് നേരത്തെ കണ്ടെത്തിയിരുന്നു. 

2024 മെയ് 18നാണ് തിരുനെല്ലൂര്‍ സര്‍വീസ് സഹകരണ ബാങ്കിലെ കളകഷന്‍ ഏജന്റായിരുന്ന അമ്പിളിയെ (43) ഭര്‍ത്താവ് രാജേഷ് കൊലപ്പെടുത്തിയത്.  സംഭവ ദിവസം കലക്ഷന്‍ നടത്തുന്നതിനിടെ ബൈക്കിലെത്തിയ രാജേഷ് അമ്പിളിയെ തടഞ്ഞ് തര്‍ക്കമുണ്ടാക്കുകയും കുത്തുകയുമായിരുന്നു. നാളുകളായുള്ള കുട്ടുംബ വഴക്കാണ് കാരണമെന്നാണ് വിവരം.

ALSO READ: കാപ്പ തടവ് കഴിഞ്ഞ് പുറത്തിറങ്ങിയതിന് പിന്നാലെ വധശ്രമം; കലഞ്ഞൂരിൽ ദമ്പതികളെ ആക്രമിച്ച 23-കാരൻ പിടിയിൽ

ദേഹത്ത് അമ്പിളിക്ക് 17 കുത്തേറ്റിരുന്നു.ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. സംഭവ ശേഷം ഒളിവില്‍പോയ രാജേഷിനെ അന്ന് രാത്രി വൈകി കഞ്ഞിക്കുഴിയിലെ ബാറിന് സമീപത്ത് നിന്നാണ് പൊലിസ് പിടികൂടിയത്. പിടികൂടുമ്പോള്‍ മദ്യലഹരിയിലായിരുന്നു രാജേഷ്.

An Alappuzha court has sentenced Rajesh to double life imprisonment for brutally stabbing his wife to death in a public road following a family dispute. The verdict was delivered by Additional Sessions Court Judge S. Bharathi, who had earlier found the accused guilty.