ന്യൂഡല്‍ഹി: ടെക് ഭീമനും വാട്ട്സ്ആപ്പ് ഉടമകളുമായ മെറ്റയ്ക്ക് താക്കീതുമായി സുപ്രിംകോടതി. നിയമങ്ങള്‍ പാലിക്കാനാകില്ലെങ്കില്‍ സേവനം അവസാനിപ്പിച്ച് രാജ്യത്ത്‌നിന്ന്  മടങ്ങാമെന്നും കോടതി വ്യക്തമാക്കി.

കരാറുകളിലൂടെ ഉപഭോക്താക്കളുടെ ഡാറ്റ പങ്കുവെക്കാന്‍ അനുവദിക്കില്ലെന്നും ഇന്ത്യന്‍ പൗരന്മാരുടെ അവകാശങ്ങള്‍ ഹനിക്കാന്‍ അനുവദിക്കില്ലെന്നും സുപ്രിംകോടതി വ്യക്തമാക്കി.

ALSO READ: പഞ്ചായത്ത് പ്രസിഡന്റാകാന്‍ 2 കുട്ടികള്‍ നയം തടസം; 6 വയസുകാരിയെ കൊലപ്പെടുത്തി പിതാവ്

മെറ്റയുടെ സ്വകാര്യതാ നയവുമായി ബന്ധപ്പെട്ടുള്ള ഹരജി പരിഗണിക്കവെയാണ് കോടതിയുടെ പരാമര്‍ശം. വാട്സാപ്പിന്റെ 2021 ലെ സ്വകാര്യത നിയമവുമായി ബന്ധപ്പെട്ട കേസില്‍ 213.14 കോടി രൂപ കോമ്പറ്റീഷന്‍ കമ്മിഷന്‍ ഓഫ് ഇന്ത്യ പിഴ വിധിച്ചിരുന്നു. ഇതിനെ ചോദ്യം ചെയ്തുകൊണ്ടാണ് വാട്‌സാപ്പും മെറ്റയും ഹരജി നല്‍കിയത്. മെറ്റയുമായി പൗരന്‍മാരുടെ സ്വകാര്യ ഡേറ്റ വാട്‌സാപ്പ് വിവരങ്ങള്‍ പങ്കിട്ടതിനാണ് പിഴ ചുമത്തിയിരിക്കുന്നത്. 

'' രാജ്യത്തെ ജനങ്ങളുടെ സ്വകാര്യത വെച്ച് കളിക്കാന്‍ അനുവദിക്കില്ല. ഞങ്ങളുടെ ഡേറ്റയിലെ ഒരു അക്കം പോലും പങ്കുവെക്കുവാന്‍ അനുവദിക്കില്ല. ഇന്ത്യക്കാരെ ചൂഷണം ചെയ്യാനും അനുവദിക്കില്ല''- ചീഫ് ജസ്റ്റിസ് സൂര്യകാന്ത് വ്യക്തമാക്കി. 

The Supreme Court of India has issued a strong warning to Meta, the parent company of WhatsApp, stating that it will not allow violations of user privacy in the name of contractual agreements. The court made it clear that if Meta is unable to comply with Indian laws, it is free to shut down its services and leave the country.