മുംബൈ: മഹാരാഷ്ട്രയില്‍ നടക്കാനിരിക്കുന്ന പഞ്ചായത്ത് തെരഞ്ഞെടുപ്പില്‍ മത്സരിക്കുന്നതിനായി തന്റെ  മൂന്ന് മക്കളില്‍ ഒരാളെ കൊലപ്പെടുത്തി പിതാവ്. നന്ദേഡ് ജില്ലയിലെ കെരൂര്‍ ഗ്രാമവാസിയായ പാണ്ഡുരംഗ് കോണ്ട്മംഗലെയാണ്, ആറു വയസുള്ള മകളെ കൊന്നത്.സംഭവത്തില്‍ പാണ്ഡുരംഗ് (28), സഹായിയായ ഗ്രാമ സര്‍പഞ്ച് ഗണേഷ് രാമചന്ദ്ര ഷിന്‍ഡെ എന്നിവരെ അറസ്റ്റ് ചെയ്തതായി നിസാമാബാദ് പൊലിസ് അറിയിച്ചു.

രണ്ടില്‍ കൂടുതല്‍ കുട്ടികളുള്ളവര്‍ക്ക് മഹാരാഷ്ട്രയില്‍ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില്‍ മത്സരിക്കുന്നതില്‍ വിലക്കുണ്ട്. ജനുവരി 29നാണ് സംഭവം നടന്നത്. യെദപ്പള്ളിയിലെ നിസാം സാഗര്‍ കനാലില്‍ നിന്നാണ് പെണ്‍കുട്ടിയുടെ മൃതദേഹം കണ്ടെത്തിയത്. തന്റെ ആറുവയസുകാരിയായ പ്രാച്ചിയെന്ന കുട്ടിയെ വെള്ളത്തില്‍ മുക്കി കൊലപ്പെടുത്തുകയായിരുന്നുവെന്ന് ഇദ്ദേഹം പൊലിസിന് മൊഴി നല്‍കി. 

ALSO READ: മകന്റെ ഭാര്യയുടെ അവിഹിതം ചോദ്യം ചെയ്തു; അമ്മായിയച്ഛനെ നടുറോഡിൽ പെട്രോളൊഴിച്ച് തീ കൊളുത്തിക്കൊന്നു

ആദ്യം പിതാവിനെ ചോദ്യം ചെയ്തപ്പോള്‍ മകള്‍ ഒരു ആരോഗ്യ കേന്ദ്രത്തില്‍ ചികിത്സയിലാണെന്ന് പറഞ്ഞ് ഇയാള്‍ പൊലീസിനെ തെറ്റിദ്ധരിപ്പിക്കാന്‍ ശ്രമിച്ചു. എന്നാല്‍ കൂടുതല്‍ ചോദ്യം ചെയ്യലില്‍ താന്‍ മകളെ കൊലപ്പെടുത്തുകയായിരുന്നുവെന്ന് സമ്മതിക്കുകയായിരുന്നു, 

ഗ്രാമത്തില്‍ ഒരു ബാര്‍ബര്‍ ഷോപ്പ് നടത്തുന്ന പാണ്ഡുരംഗ് വരാനിരിക്കുന്ന പഞ്ചായത്ത് തെരഞ്ഞെടുപ്പില്‍ മത്സരിക്കാന്‍ ആഗ്രഹിച്ചിരുന്നു.
രണ്ട് പെണ്‍മക്കളും ഒരു ആണ്‍കുട്ടിയുമാണ് ഇയാള്‍ക്കുണ്ടായിരുന്നത്. ആദ്യം പെണ്‍കുട്ടിയെ കുട്ടികളില്ലാത്ത ദമ്പതികള്‍ക്ക് ദത്തുനല്‍കാനായാണ് തീരുമാനിച്ചത്. എന്നാല്‍ ഇത് നടന്നില്ല. പിന്നീട് മകന്റെ ജനന സര്‍ട്ടിഫിക്കറ്റില്‍ തിരിമറി നടത്താന്‍ ശ്രമിച്ചതും നടന്നില്ല, ശേഷമാണ് ഒരു മകളെ കൊലപ്പെടുത്താന്‍ തീരുമാനിച്ചത്. 

മകളെ കൊന്ന ശേഷം തിരിച്ച് ഗ്രാമത്തിലെത്തിയ ഇയാള്‍ കുട്ടിയെ കാണാനില്ലെന്ന് പരാതി നല്‍കാനായിരുന്നു പദ്ധതി. 

In a shocking incident from Maharashtra, a man allegedly murdered his six-year-old daughter in order to become eligible to contest the upcoming panchayat elections. The accused, Pandurang Kondmangale (28), a resident of Kerur village in Nanded district, was arrested along with village sarpanch Ganesh Ramchandra Shinde, who allegedly assisted him.