മസ്‌കത്ത്: മനുഷ്യാവകാശ സംരക്ഷണവുമായി ബന്ധപ്പെട്ട വിഷയങ്ങളില്‍ പരസ്പര സഹകരണം ശക്തമാക്കുന്നതിനായി ഒമാനും യൂറോപ്യന്‍ യൂണിയനും സംയുക്ത മനുഷ്യാവകാശ സംവാദം മസ്‌കത്തില്‍ നടത്തി. ഇരുവിഭാഗങ്ങളിലെയും ഉദ്യോഗസ്ഥര്‍ പങ്കെടുത്ത യോഗത്തില്‍ വിവിധ മനുഷ്യാവകാശ വിഷയങ്ങള്‍ വിശദമായി ചര്‍ച്ച ചെയ്തു.

അന്താരാഷ്ട്ര മാനദണ്ഡങ്ങള്‍ അനുസരിച്ച് മനുഷ്യാവകാശങ്ങള്‍ പ്രോത്സാഹിപ്പിക്കുകയും സംരക്ഷിക്കുകയും ചെയ്യേണ്ടതിന്റെ പ്രാധാന്യമാണ് ചര്‍ച്ചകളില്‍ പ്രധാനമായും ഉയര്‍ന്നത്. നീതി, സമത്വം, നിയമത്തിന്റെ ആധിപത്യം തുടങ്ങിയ വിഷയങ്ങളിലും ഇരുവിഭാഗങ്ങളും അഭിപ്രായങ്ങള്‍ കൈമാറി.

ALSO READ: മരുഭൂമി ക്യാമ്പിംഗിന് പോകുമ്പോള്‍ കൂടുതല്‍ ജാഗ്രത വേണമെന്ന് മുന്നറിയിപ്പ്

ഒമാന്‍ വിദേശകാര്യ മന്ത്രാലയത്തിലെ ഗ്ലോബല്‍ അഫയേഴ്‌സ് വിഭാഗം മേധാവി സാലിഹ് യഹ്യ അല്‍ മസ്‌കരിയാണ് ഒമാന്‍ സംഘത്തെ നയിച്ചത്. യൂറോപ്യന്‍ യൂണിയനെ പ്രതിനിധീകരിച്ച് യൂറോപ്യന്‍ എക്‌സ്റ്റേണല്‍ ആക്ഷന്‍ സര്‍വീസിലെ അറേബ്യന്‍ പെനിന്‍സുല-ഇറാഖ് വിഭാഗം മേധാവി അന്ന മരിയ പങ്കെടുത്തു.

ഇത്തരം സംവാദങ്ങള്‍ തുടരുമെന്നും ഇതിലൂടെ ഒമാനും യൂറോപ്യന്‍ യൂണിയനും തമ്മിലുള്ള ബന്ധം കൂടുതല്‍ ശക്തമാകുമെന്നും ബന്ധപ്പെട്ട വൃത്തങ്ങള്‍ അറിയിച്ചു.

Oman and the European Union held a joint human rights dialogue in Muscat, focusing on cooperation, justice, equality and international human rights standards.