റിയാദ്: പശ്ചിമാഫ്രിക്കൻ രാജ്യമായ ബുർക്കിനാ ഫാസോയിലെ വാഹിഗൂയയിൽ കൈത്താങ്ങായി സഊദി അറേബ്യയുടെ കാരുണ്യ പ്രസ്ഥാനമായ കെ.എസ്.റിലീഫ്. പ്രദേശത്തെ 1,479 കുടുംബങ്ങളിലായി ഏകദേശം 8,874 ജനങ്ങൾക്കാണ് ഭക്ഷ്യവിതരണം നടത്തിയത്.  '2026 ഭക്ഷ്യ സുരക്ഷാ പിന്തുണാ പദ്ധതി'യുടെ (Food Security Support Project) ഭാ​ഗമായാണ്  ഈ കൈത്താങ്ങ്. ലോകമെമ്പാടുമുള്ള ദുർബലവിഭാഗങ്ങളെയും കഷ്ടത അനുഭവിക്കുന്നവരെയും സഹായിക്കുന്നതിനായി കെ.എസ്.റിലീഫ് നിരന്തരം ഇടപെടലുകൾ നടത്തിവരുകയാണ്.

ALSO READ: 2030ൽ രണ്ട് റമദാൻ, വൈറ്റ് ഹൗസിലെ ആദ്യ ഇഫ്താർ, 16 മണിക്കൂറിലധികം നീളുന്ന നോമ്പ്..; റമദാനെക്കുറിച്ച് അധികമാർക്കും അറിയാത്ത 8 വസ്തുതകൾ

2015ൽ സഊദി ഭരണാധികാരി സൽമാൻ രാജാവാണ് ഈ പ്രസ്ഥാനത്തിന് തുടക്കം കുറിച്ചത്. ലോകത്തിന്റെ വിവിധ ഭാഗങ്ങളിൽ പ്രകൃതിക്ഷോഭങ്ങൾ, യുദ്ധങ്ങൾ, ദാരിദ്ര്യം എന്നിവ അനുഭവിക്കുന്നവർക്ക് മതയോ ജാതിയോ മറ്റൊന്നും നോക്കാതെ കെ.എസ്.റിലീഫ് സഹായം എത്തിച്ചു കൊണ്ടിരിക്കുകയാണ്. യുണൈറ്റഡ് നേഷൻസ് (UN), ഡബ്ല്യു.എച്ച്.ഒ (WHO) തുടങ്ങിയ അന്താരാഷ്ട്ര സംഘടനകളുമായി നിരന്തരം സഹകരിച്ചാണ്  കെ.എസ്.റിലീഫ് പ്രവർത്തിക്കുന്നത്. ‍‌

Saudi Arabia's KSrelief distributes essential food aid to 1,479 families in Ouahigouya, Burkina Faso, as part of its 2026 Food Security Support Project, benefiting over 8,800 individuals.