കുണിയ: സമസ്ത ശതാബ്ദി മഹാ സമ്മേളനവുമായി ബന്ധപ്പെട്ട ക്രമീകരണങ്ങൾ സംബന്ധിച്ച് വളണ്ടിയർമാരുമായി സംവദിച്ച് ഉന്നത പൊലിസ് ഉദ്യോഗസ്ഥർ. എസ്.പി വിജയ് ഭരത് റെഡ്ഡിയുടെ നേതൃത്വത്തിൽ ഡിവൈ.എസ്.പിമാർ ഉൾപ്പടെയുള്ള സംഘമാണ് സമ്മേളനത്തിന് മുന്നോടിയായി വളണ്ടിയർമാരെ കാണാനെത്തിയത്. 

ഗതാഗത നിയന്ത്രണം, പാർക്കിങ്, ഉൾപ്പെടെയുള്ള കാര്യങ്ങൾ ഉദ്യോഗസ്ഥർ വളണ്ടിയർമാർക്ക് വിശദീകരിച്ചു നൽകി. പാർക്കിങ് ക്രമീകരണങ്ങളെയും പരിചയപ്പെടുത്തി. അടിയന്തിര ഘട്ടങ്ങളെ നേരിടാനുള്ള നിർദേശങ്ങളും തിരക്ക് നിയന്ത്രിക്കാനുള്ള മാർഗങ്ങളും വളണ്ടിയർമാർക്ക് നൽകി. സമസ്ത മാനേജർ കെ. മോയിൻ കുട്ടി മാസ്റ്റർ, വളണ്ടിയർ ക്യാപ്റ്റൻ ഒ.പി.എം അഷ്‌റഫ്, വിഖായ സംസ്ഥാന ചെയർമാൻ മുഹ്‍യുദ്ധീൻ കുട്ടി യമാനി, കൺവീനർ റഷീദ് ഫൈസി കാളികാവ്, വൈസ് ചെയർമാൻ ഷാരിഖ് ആലപ്പുഴ, സുബൈർ ദാരിമി, റഷീദ് ബെളിഞ്ചം സംസാരിച്ചു. സമ്മേളനം വിജയപ്പിക്കുന്നതിന് പൊലിസിന്റെ ഭാഗത്ത് നിന്നുള്ള എല്ലാ സഹായവും എസ്.പി വാഗ്ദാനം ചെയ്തു. സമാപനത്തിനെത്തുന്ന പ്രവർത്തകർ അംഗശുദ്ധിവരുത്തി നിസ്കരിക്കുന്നതിനുള്ള സംവിധാനം കരുതണമെന്ന് സംഘാടക സമിതി അറിയിച്ചു.