കുണിയ: ലഹരിയെ പ്രതിരോധിക്കാൻ നാം ഒറ്റക്കെട്ടായി രംഗത്തിറങ്ങണമെന്ന്  മുൻമന്ത്രിയും എം.എൽ.എയുമായ ഡോ.എം.കെ മുനീർ പറഞ്ഞു. സമസ്ത നൂറാം വാർഷികത്തോടനുബന്ധിച്ച് നടത്തിയ പോസ്റ്റ് കൊവിഡ് സിൻഡ്രം എറർ ആന്റ് കറക്ഷൻ എന്ന സെഷനിൽ  ആരോഗ്യ വിചാരം സെമിനാർ  ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

ലഹരിക്കെതിരേ സമസ്ത നടത്തുന്ന പ്രതിരോധം ശ്ലാഘനീയമാണ്. മതബോധത്തിൽ ഇത്തരം തിന്മകളിൽനിന്ന് യുവതയെ മാറ്റിനിർത്താൻ സമസ്തക്ക് കഴിയുന്നുണ്ടെന്നും നൂറിന്റെ നിറവിൽ നിൽക്കുന്ന സംഘടന മനുഷ്യരെ നന്മയിലേക്ക് നയിക്കാനാണ് ഇക്കാലമത്രയും ശ്രമിച്ചത്. കൊവിഡാന്തര പാർശ്വഫലങ്ങൾ ജീവതത്തിന്റെ താളം തെറ്റിക്കുന്നുവെന്നും അദ്ദേഹം പറഞ്ഞു. 

ആധുനികതയും മാനസികാരോഗ്യവും, വൃത്തി; മനസ്സിനും ശരീരത്തിനും, യഥാർഥ ലഹരി എന്നീ വിഷയങ്ങളിൽ ഡോ. നിസാമുദ്ധീൻ ഹള്‌റമി, ഹനീഫ് റഹ്‌മാനി പനങ്ങാങ്ങര, എ.പി മുസ്തഫ ഹുദവി അരൂർ, ഡോ.ഹാനി ഹസൻ, ഡോ. മുരളീധരൻ സംസാരിച്ചു. ഡോ.നാട്ടിക മുഹമ്മദലി ആമുഖവും ഡോ.അശ്‌റഫ് വാഴക്കാട് നന്ദിയും പറഞ്ഞു.