കൊച്ചി: സ്വര്‍ണവിലയില്‍ ഇന്ന് രാവിലെ കുതിപ്പ് രേഖപ്പെടുത്തിയെങ്കില്‍ ഉച്ചയ്ക്ക് ശേഷം കുറഞ്ഞു. പവന് 680 രൂപയാണ് കുറഞ്ഞത്. ഇതോടെ സ്വര്‍ണവില 1,16000 രൂപയ്ക്ക് താഴെയെത്തി. ഗ്രാമിന് 205 രൂപയുടെ വര്‍ധനവാണ് ഇന്ന് രാവിലെ ഉണ്ടായിരുന്നത്. പവന് 1,640 രൂപയും കൂടിയിരുന്നു. ഇതോടെ പവന്‍ സ്വര്‍ണത്തിന്റെ വില 1,16.480 ആയി. ഗ്രാമിന് 14,560 രൂപയാണ് ഇന്ന് രാവിലത്തെ വില.

ഇപ്പോഴത്തെ വില 

പവന് 680 രൂപയുടെ കുറവാണ് ഉച്ചയ്ക്ക് ശേഷം ഉണ്ടായത്. ഇതോടെ പവന് 1,15,800 രൂപയായി. ഗ്രാമിന് 85 രൂപയാണ് കുറഞ്ഞത്. ഇതോടെ ഗ്രാമിന് 14475 രൂപയായി. 

അന്താരാഷ്ട്ര വിപണിയില്‍ വില ഉയരുകയാണ്. സ്പോട്ട് ഗോള്‍ഡ് വില ഔണ്‍സിന് വീണ്ടും 5000 ഡോളര്‍ പിന്നിട്ടു. ഇന്ന് 65 ഡോളര്‍ നേട്ടത്തോടെയാണ് സ്വര്‍ണം വ്യാപാരം നടത്തുന്നതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. 1.32 ശതമാനം നേട്ടമാണ് സ്വര്‍ണത്തിന് ഇന്ന് അന്താരാഷ്ട്ര വിപണിയില്‍ ഉണ്ടായത്. യു.എസ് ഗോള്‍ഡ് ഫ്യൂച്ചര്‍ നിരക്ക് 1.4 ശതമാനം നേട്ടത്തോടെ 5,046.10 ഡോളറായി. യു.എസ് ഡോളറിന്റെ മൂല്യത്തിലുണ്ടായ ഇടിവ് ഇന്ന് സ്വര്‍ണവിപണിയിലും പ്രതിഫലിക്കുകയായിരുന്നു.

പലിശനിരക്ക് വെട്ടികുറച്ചേക്കുമെന്ന് ഫെഡറല്‍ റിസര്‍വ്

വീണ്ടും പലിശനിരക്ക് വെട്ടികുറക്കേണ്ടി വരുമെന്ന സൂചന ഫെഡറല്‍ റിസര്‍വ് നല്‍കിയിരുന്നു. ഫെഡറല്‍ റിസര്‍വ് പ്രസിഡന്റ് മേരി ഡാലിയാണ് സൂചന നല്‍കിയത്. തൊഴില്‍ വിപണിയിലെ തളര്‍ച്ച മറികടക്കാന്‍ രണ്ട് തവണയെങ്കിലും പലിശനിരക്ക് കുറക്കേണ്ടി വരുമെന്ന ാണ് ഫെഡറല്‍ റിസര്‍വ് പ്രസിഡന്റ് ചൂണ്ടിക്കാട്ടിയത്. ഈ പ്രഖ്യാപനം വരും ദിവസങ്ങളിലും സ്വര്‍ണവിലയെ സ്വാധീനിച്ചേക്കുമെന്നും റിപ്പോര്‍ട്ടുകള്‍ പറയുന്നു.

Gold prices witnessed fresh fluctuations on Thursday, rising sharply in the morning before declining in the afternoon. The price of gold per pavan fell by ₹680 after noon, bringing the rate below ₹1.16 lakh. Earlier in the day, gold had gained ₹1,640 per pavan, pushing the price to ₹1,16,480, while the per gram rate stood at ₹14,560.