തിരുവനന്തപുരം: നിയമസഭാ തെരഞ്ഞെടുപ്പിൽ കന്നി വോട്ടർമാരെ ആകർഷിക്കാൻ വേറിട്ട കാംമ്പയിനുമായി തെരഞ്ഞെടുപ്പ് കമ്മീഷൻ. 'മധുരമുള്ള വോട്ട്' എന്ന് പേരിട്ടിരിക്കുന്ന കാംമ്പയിനിലൂടെ കന്നി വോട്ടർമാർക്ക് ബൂത്തുകളിൽ ഹൽവ വിതരണം ചെയ്യാനാണ് തീരുമാനം.

സംസ്ഥാനത്തെ തെരഞ്ഞെടുത്ത പോളിംഗ് സ്റ്റേഷനുകളിലാകും കന്നി വോട്ടർമാരെ ഹൽവ നൽകി സ്വീകരിക്കുക. യുവാക്കളെ തെരഞ്ഞെടുപ്പിലേക്ക് ആകർഷിക്കാനാണ് കമ്മീഷന്റെ ഈ നീക്കം. ഇതുസംബന്ധിച്ച കൃത്യമായ നിർദ്ദേശങ്ങൾ മുഖ്യ തെരഞ്ഞെടുപ്പ് ഓഫീസർ രത്തൻ യു. ഖേൽക്കർ ജില്ലാ തെരഞ്ഞെടുപ്പ് ഓഫീസർമാർക്ക് നൽകിയിട്ടുണ്ട്.

ALSO READ: 'റബ്ബറിന്റെ താങ്ങുവില 250 രൂപയാക്കും, ആദ്യ മന്ത്രിസഭാ യോഗത്തില്‍ തീരുമാനമെടുക്കും'; രാഹുല്‍ ഗാന്ധി കോട്ടയത്ത്

ഇത്തവണത്തെ നിയമസഭാ തെരഞ്ഞെടുപ്പിൽ കേരളത്തിന്റെ രാഷ്ട്രീയ ഭാവി നിശ്ചയിക്കുന്നതിൽ യുവ വോട്ടർമാർക്ക് വലിയ പങ്കാണുള്ളത്. ആകെ 4,66,408 പേരാണ് ഇത്തവണ കന്നി വോട്ടർമാർമാരായി ഉള്ളത്. ഇവരായിരിക്കും ഓരോ മണ്ഡലത്തിലെയും സ്ഥാനാർത്ഥികളുടെ വിജയപരാജയങ്ങളെ സ്വാധീനിക്കുന്നത്.