കുവൈത്ത് സിറ്റി: കുവൈത്തിലെ വൈദ്യുതി, ജല ശുദ്ധീകരണ ശാലയ്ക്ക് നേരെയുണ്ടായ ഇറാന്‍ ആക്രമണത്തില്‍ കൊല്ലപ്പെട്ട ഇന്ത്യന്‍ തൊഴിലാളിയെ തിരിച്ചറിഞ്ഞു. തമിഴ്‌നാട് രാമനാഥപുരം ജില്ലയിലെ മുതുകുളത്തൂര്‍ സ്വദേശി സന്താന സെല്‍വം (40) ആണ് മരിച്ചതെന്ന് അധികൃതര്‍ അറിയിച്ചു. സ്വകാര്യ കമ്പനിയിലെ കരാര്‍ ജീവനക്കാരനായിരുന്നു ഇദ്ദേഹം. 
ഇന്ത്യന്‍ സമയം ഇന്ന് പുലര്‍ച്ചെ പ്ലാന്റിലെ സര്‍വീസ് കെട്ടിടത്തിന് നേരെയുണ്ടായ ആക്രമണത്തിലാണ് സന്താന സെല്‍വം മരിച്ചത്. സംഭവത്തില്‍ അടിസ്ഥാന സൗകര്യങ്ങള്‍ക്ക് കനത്ത നാശനഷ്ടങ്ങള്‍ സംഭവിച്ചതായും കുവൈത്ത് വൈദ്യുതിജല മന്ത്രാലയം അറിയിച്ചു. കേടുപാടുകള്‍ സംഭവിച്ച പ്രദേശം പൂര്‍ണ്ണമായും സുരക്ഷിതമാക്കുന്നതിനായി സുരക്ഷാ ഏജന്‍സികളുമായും മറ്റ് ബന്ധപ്പെട്ട വകുപ്പുകളുമായും ഏകോപിപ്പിച്ച് പ്രവര്‍ത്തിക്കുകയാണെന്ന് മന്ത്രാലയം വ്യക്തമാക്കി.
കുവൈത്തിലെ ആക്രമണത്തെക്കുറിച്ച് ഇറാന്റെ ഭാഗത്തുനിന്ന് ഔദ്യോഗിക പ്രതികരണങ്ങള്‍ ഒന്നും വന്നിട്ടില്ല. എന്നാല്‍ പ്ലാന്റിന് വലിയ നാശനഷ്ടങ്ങള്‍ ഉണ്ടായെന്ന കുവൈത്ത് മന്ത്രാലയത്തിന്റെ പ്രസ്താവന ഇറാനിയന്‍ ഔദ്യോഗിക മാധ്യമങ്ങള്‍ റിപ്പോര്‍ട്ട് ചെയ്തു.

Summary: A 40-year-old man from Tamil Nadu, identified as Santhana Selvam, was killed in an attack on a water treatment plant in Shuaiba, Kuwait, early Monday morning. Hailing from Mudukulathur in Ramanathapuram district, Selvam was a contract worker for a private company and was on night duty at the time of the incident. Kuwait's Ministry of Electricity and Water confirmed the attack, stating that it resulted in significant damage to the plant's buildings and infrastructure.