കോഴിക്കോട്:  താമരശ്ശേരി ചുരത്തില്‍ കെ.എസ്.ആര്‍.ടി.സി ബസും ലോറിയും കൂട്ടിയിടിച്ചുണ്ടായ അപകടത്തില്‍ ബസ് യാത്രക്കാരായ 38 പേര്‍ക്കു പരുക്കേറ്റു. പരുക്കേറ്റവരെ താമരശ്ശേരി താലൂക്ക് ആശുപത്രിയിലും രണ്ടു പേരെ കോഴിക്കോട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.

ചുരത്തില്‍ ആറാം വളവിനും ഏഴാം വളവിനും ഇടയില്‍  രാവിലെ ഏഴരയോടെയാണ് അപകടം ഉണ്ടായത്. ചുരം ഇറങ്ങിവന്ന ബസും എതിര്‍വശത്ത് വന്ന കണ്ടെയ്‌നര്‍ ലോറിയുമാണ് കൂട്ടിയിടിച്ചത്.

ബസിന്റെ ബ്രേക്ക് നഷ്ടമായതാണ് അപകടകാരണം.  അപകടത്തെത്തുടര്‍ന്ന് ചുരത്തില്‍ ഒറ്റവരി ഗതാഗതം മാത്രം സാധ്യമായതിനാല്‍ രാവിലെ നേരിയ ഗതാഗതതടസ്സം അനുഭവപ്പെട്ടു. അടിവാരത്ത് നിന്ന് ക്രെയിന്‍ എത്തിച്ച് വാഹനങ്ങള്‍ നീക്കുന്ന പ്രവര്‍ത്തനങ്ങള്‍ തുടങ്ങിയെങ്കിലും ചുരത്തില്‍ ഗതാഗത തടസ്സം നീളാന്‍ ഇടയുണ്ടെന്നാണ് വിവരം.

An accident involving a KSRTC bus and a container lorry occurred at Thamarassery Churam in Kozhikode on Monday morning, injuring 38 passengers. The accident took place between the sixth and seventh hairpin bends around 7:30 AM while the bus was descending the ghat road.