യാത്രക്കാരോട് മോശമായി പെരുമാറിയെന്ന പരാതി; ടോള് പ്ലാസ സൂപ്പര്വൈസറെ സസ്പെന്ഡ് ചെയ്തു
കോഴിക്കോട്: യാത്രക്കാരോട് മോശമായി പെരുമാറിയെന്ന പരാതിയെ തുടര്ന്ന് കോഴിക്കോട് ഒളവണ്ണ ടോള് പ്ലാസയിലെ സൂപ്പര്വൈസറെ സസ്പെന്ഡ് ചെയ്തു. ടോള് പിരിവ് സ്ഥാപനത്തിലെ ജീവനക്കാരനായ പുഷ്പേന്ദ്ര ബേറയ്ക്കെതിരെയാണ് നടപടി. ദേശീയപാത അതോറിറ്റിയാണ് ജീവനക്കാരനെതിരെ നടപടിയെടുത്തത്. സോഷ്യല് മീഡിയയില് വ്യാപകമായി പ്രചരിച്ച സംഭവം പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസ് ദേശീയപാത അതോറിറ്റിയുടെ ശ്രദ്ധയില്പ്പെടുത്തിയിരുന്നു.
കഴിഞ്ഞ ദിവസമാണ് പുഷ്പേന്ദ്രക്കെതിരെ യാത്രക്കാരിലൊരാള് പരാതിയുമായി രംഗത്തെത്തിയത്. സംഭവത്തിന്റെ ദൃശ്യങ്ങളും യുവാവ് സമൂഹ മാധ്യമങ്ങളില് പങ്കുവെച്ചിരുന്നു. ഇത് ശ്രദ്ധയില്പ്പെട്ട മന്ത്രി ദേശീയപാത അതോറിറ്റിയോട് അടിയന്തരമായി സംസാരിക്കാന് പിഡബ്ല്യുഡി സെക്രട്ടറിയെ ചുമതലപ്പെടുത്തിയിരുന്നു. ടോള് പ്ലാസ ജീവനക്കാരുടെ മോശം പെരുമാറ്റത്തെ കുറിച്ച് നേരത്തെയും പരാതി ഉയര്ന്ന സാഹചര്യത്തിലാണ് നടപടിയെടുത്ത് ദേശീയപാത അതോറിറ്റി രംഗത്തെത്തിയിട്ടുള്ളത്.
calicut olavanna toll plaza supervisor, pushpendra beray, has been suspended for mistreating passengers.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."