ബംഗളുരു: ഹൊസ്‌കോട്ടയില്‍ നിയന്ത്രണം വിട്ട കാര്‍ മറ്റുവാഹനങ്ങളിലേക്ക് പാഞ്ഞുകയറിയുണ്ടായ അപകടത്തില്‍ രണ്ട് മലയാളികള്‍ ഉള്‍പ്പെടെ 7 മരണം. ആറ് കാര്‍ യാത്രികരും ഒരു ബൈക്ക് യാത്രികനുമാണ് മരിച്ചത്. കാറില്‍ യാത്ര ചെയ്ത യെലഹങ്ക ആര്‍വി കോളജിലെ പിയു വിദ്യാര്‍ഥികളായ അശ്വിന്‍ നായര്‍(17) ഏഥന്‍ ജോര്‍ജ്(17) എന്നിവരാണ് മരിച്ച മലയാളികള്‍. അര്‍ഹാന്‍ ഷെരീഫ്(17) അയാന്‍ അലി(17) ഭരത്(18) ഫര്‍ഹാന്‍(17) ബൈക്ക് യാത്രികനായ ഗഗന്‍(26) എന്നിവരാണ് മരിച്ച മറ്റുള്ളവര്‍. 

സാറ്റലൈറ്റ് ടൗണ്‍ റിങ് റോഡില്‍ ഹൊസ്‌കോട്ടെ- ദൊബാസ്‌പേട്ട് ഇടനാഴിയിലെ സത്യവാരയില്‍ ഇന്ന് പുലര്‍ച്ചെയാണ് അപകടമുണ്ടായത്. ദേവനഹള്ളി ഭാഗത്തേക്ക് പോകുന്നതിനിടെ നിയന്ത്രണം വിട്ട കാര്‍ മുന്നില്‍ പോയ ബൈക്കിനെ ഇടിച്ചിട്ട ശേഷം ലോറിയുടെ പിറകിലേക്ക് പാഞ്ഞുകയറുകയായിരുന്നു. ലോറി സര്‍വീസ് റോഡിലേക്ക് മറിഞ്ഞു. ഇടിയുടെ ആഘാതത്തില്‍ ട്രക്കിന്റെ പിന്‍ ആക്സില്‍ ഒടിഞ്ഞു. ഇതില്‍ തട്ടി പുറകില്‍ വന്ന മാരുതി ബ്രെസ്സയും അപകടത്തില്‍പെട്ടു. 

ALSO READ: പാങ്ങോട് സൈനിക ക്യാംപില്‍ നിന്ന് 2 കോടി രൂപ വിലവരുന്ന ആനക്കൊമ്പ് മോഷണം പോയി; കാണാതായത് ഡി.ജെ പാര്‍ട്ടിക്ക് പിന്നാലെ

അപകടത്തെ തുടര്‍ന്ന് എസ്.ടി.ആര്‍.ആറില്‍ ഒരു മണിക്കൂറോളം ഗതാഗതം തടസ്സപ്പെട്ടു. ക്രെയിനുകള്‍ ഉപയോഗിച്ചാണ് തകര്‍ന്ന വാഹനങ്ങള്‍ റോഡില്‍ നിന്ന് മാറ്റിയത്. മൃതദേഹങ്ങള്‍ ഹോസ്‌കോട്ടെ സര്‍ക്കാര്‍ ആശുപത്രി മോര്‍ച്ചറിയിലേക്ക് മാറ്റി. സുലിബെലെ പൊലിസ് സംഭവസ്ഥലത്തെത്തി കേസ് രജിസ്റ്റര്‍ ചെയ്തു.

At least seven people, including two Malayali students, were killed in a tragic road accident near Hoskote in Bengaluru. The crash occurred on the Satellite Town Ring Road (STRR) stretch between Hoskote and Dobbaspet at Sathyavara in the early hours of the morning.