തിരുവനന്തപുരം: പാങ്ങോട് സൈനിക ക്യാംപില്‍ നിന്ന് ആനക്കൊമ്പ് മോഷണം പോയി. രണ്ടു കോടി രൂപ വിലവരുന്ന ആനക്കൊമ്പാണ് കാണാതായത്. ക്യാമ്പില്‍ പാര്‍ട്ടി നടത്തിയതിന് പിന്നാലെയാണ് ആനക്കൊമ്പ് കാണാതായത്.

രണ്ട് ദിവസത്തിന് മുന്‍പ് ക്യാംപില്‍ ഒരു ഡിജെ പാര്‍ട്ടി നടന്നിരുന്നു.  ഇതിന് പിന്നാലെയാണ് ഓഫിസില്‍ സൂക്ഷിച്ചിരുന്ന രണ്ട് ആനക്കൊമ്പുകള്‍ കാണാതായത്. ഇതിന് രണ്ട് കോടി രൂപയോളം മൂല്യമുണ്ടെന്നാണ് കരുതുന്നത്. 

ALSO READ: ശബരിമല സ്വര്‍ണക്കൊള്ള: സ്മാര്‍ട് ക്രിയേഷന്‍സ് സി.ഇ.ഒ പങ്കജ് ഭണ്ഡാരിക്ക് തിരിച്ചടി; എഫ്.ഐ.ആര്‍ റദ്ദാക്കണമെന്ന ഹരജി തള്ളി

മോഷണത്തിനു പിന്നില്‍ ഡി.ജെ പാര്‍ട്ടി നടത്താനെത്തിയവരായിരിക്കാമെന്നാണ്  പൊലിസ് നിഗമനം. പ്രായപൂര്‍ത്തിയാവാത്തവര്‍ ഉള്‍പ്പെടെ പതിനേഴ് പേരെ പൊലിസ്  ചോദ്യം ചെയ്തു. മറ്റു തലത്തിലുള്ള അന്വേഷണവും നടക്കുന്നുണ്ട്. 

ആനക്കൊമ്പ് സൂക്ഷിച്ചിരിക്കുന്ന വിവരം നേരത്തെ അറിവുള്ള ആരെങ്കിലും ആയിരിക്കാം മോഷണത്തിന് പിന്നിലെന്നും സംശയിക്കപ്പെടുന്നുണ്ട്. ഉദ്യോഗസ്ഥരുടെ മൊഴി ഉള്‍പ്പെടെ ശേഖരിച്ച് വിപുലമായ അന്വേഷണം നടത്തുമെന്ന് പൂജപ്പുര പൊലിസ് അറിയിച്ചു. 

An alleged theft of elephant tusks worth approximately ₹2 crore has been reported from the Pangode Military Camp in Thiruvananthapuram. The missing ivory reportedly went unnoticed until after a DJ party was conducted inside the camp premises.