ഡൽഹി: എസ്ഐആറിൽ നിന്നും പിന്മാറണമെന്ന് ആവശ്യപ്പെട്ടുകൊണ്ട് തെരഞ്ഞെടുപ്പ് കമ്മീഷന് കത്തയച്ച് സിപിഎം ജനറൽ സെക്രട്ടറി എം.എ ബേബി. എസ്ഐആർ പ്രക്രിയ ഭരണഘടന തത്വങ്ങൾക്ക് വിരുദ്ധമാണെന്നും വോട്ടർമാരെ പട്ടികയിൽ നിന്നും ഏകപക്ഷീയമായി ഒഴിവാക്കുന്നുവെന്നും കത്തിൽ പറയുന്നുണ്ട്. സമയപരിധി അപ്രോയിഗമാണെന്നും നടപടിക്രമങ്ങൾ സമ്മർദ്ദം ഉണ്ടാക്കുന്നുവെന്നും കത്തിൽ ചൂണ്ടിക്കാട്ടി. എസ്ഐആറിൽ കമ്മീഷൻ രാഷ്ട്രീയ പാർട്ടികളെ വിശ്വാസത്തിൽ എടുത്തില്ലെന്നും കത്തിൽ പറയുന്നുണ്ട്.

അതേസമയം കേരളത്തിൽ എസ്ഐആറുമായി ബന്ധപ്പെട്ട് ഹിയറിങ് നടപടികൾ അവസാന ഘട്ടത്തിലേക്ക് കടക്കുകയാണ്. സംസ്ഥാനത്തെ ആറ് ജില്ലകളിൽ ഹിയറിങ് നടപടികൾ 100 ശതമാനം പൂർത്തിയായെന്ന് മുഖ്യ തെരഞ്ഞെടുപ്പ് ഓഫീസർ രത്തൻ യു ഖേൽഖർ വ്യക്തമാക്കി. പാലക്കാട്, കോട്ടയം, ആലപ്പുഴ, എറണാംകുളം, കാസർകോഡ്, തിരുവനന്തപുരം എന്നീ ജില്ലകളിലാണ് ഹിയറിങ് നടപടികൾ അവസാനിച്ചത്.