റിയാദ്: വിശുദ്ധ റമദാൻ മാസത്തിൽ യാത്രക്കാരുടെ തിരക്ക് പരിഗണിച്ച് റിയാദ് മെട്രോയുടെയും സിറ്റി ബസുകളുടെയും പുതിയ സമയക്രമം റിയാദ് പബ്ലിക് ട്രാൻസ്‌പോർട്ട് പ്രഖ്യാപിച്ചു. മാസം മുഴുവൻ സുഗമമായ യാത്ര ഉറപ്പാക്കുന്നതിനാണ് പ്രവർത്തന സമയം പുനഃക്രമീകരിച്ചിരിക്കുന്നത്.

റിയാദ് മെട്രോ (Riyadh Metro):

* ഞായർ - വ്യാഴം: രാവിലെ 8:00 മുതൽ പുലർച്ചെ 2:30 വരെ.

* വെള്ളി: രാവിലെ 11:00 മുതൽ പുലർച്ചെ 3:00 വരെ.

* ശനി: രാവിലെ 11:00 മുതൽ പുലർച്ചെ 2:30 വരെ.

റിയാദ് ബസ് സർവീസുകൾ (Riyadh Bus)

* സിറ്റി ബസുകൾ: എല്ലാ ദിവസവും രാവിലെ 6:30 മുതൽ പുലർച്ചെ 3:00 വരെ.

* ഓൺ-ഡിമാൻഡ് ബസുകൾ (On-Demand):

* ഞായർ - വ്യാഴം: രാവിലെ 7:30 മുതൽ പുലർച്ചെ 3:00 വരെ.

* വെള്ളി: രാവിലെ 10:30 മുതൽ പുലർച്ചെ 3:30 വരെ.

* ശനി: രാവിലെ 10:30 മുതൽ പുലർച്ചെ 3:00 വരെ.

പൊതുഗതാഗത സേവനങ്ങളുടെ ഗുണനിലവാരം ഉയർത്താനും റമദാനിലെ പ്രത്യേക സാഹചര്യങ്ങളിൽ യാത്രക്കാർക്ക് പരമാവധി സൗകര്യം ഒരുക്കാനുമാണ് ഈ മാറ്റങ്ങളെന്ന് അധികൃതർ അറിയിച്ചു.

English Summary: Riyadh Public Transport has announced updated operational hours for the Riyadh Metro and bus services during the holy month of Ramadan to ensure seamless travel for residents.