തിരുവനന്തപുരം; പിണറായി സര്‍ക്കാറിന് തിരിച്ചടി. നവകേരള യാത്ര ഹൈക്കോടതി റദ്ദാക്കി. സര്‍വേ നിയമവിരുദ്ധമെന്ന് കോടതി ചൂണ്ടിക്കാട്ടി. ബജറ്റ് വകയിരുത്തലോ ധനകാര്യ അനുമതിയോ ഇല്ല എന്നും കോടതി നിരീക്ഷിച്ചു. 

സംസ്ഥാന സര്‍ക്കാരിന്റെ ക്ഷേമ പ്രവര്‍ത്തനങ്ങള്‍, വികസനം തുടങ്ങിയ കാര്യങ്ങള്‍ ജനങ്ങളില്‍ നിന്ന് ചോദിച്ചറിയുന്നതിന് വേണ്ടിയാണ് നവകേരള സര്‍വേ എന്ന പേരില്‍ ഒരു പരിപാടി നടത്താന്‍ തീരുമാനിച്ചതെന്നായിരുന്നു വിശദീകരണം.  സര്‍വേക്ക് വേണ്ടി നിരവധി പാര്‍ട്ടി പ്രവര്‍ത്തകരെ ഒരു പോര്‍ട്ടല്‍ വഴി കണ്ടെത്തുകയും ചെയ്തു. വീടുകള്‍ കയറി സര്‍വേക്ക് തുടക്കമിടുകയും ചെയ്തിരുന്നു. 

ALSO READ: സഹകരണ ക്രമക്കേട് 1582 കോടിയുടേത്; നിക്ഷേപം ലഭിക്കാതെ 12 ലക്ഷംപേർ; നോക്കുകുത്തിയായി 'ബഡ്‌സ്' നിയമവും  

തുടര്‍ന്നാണ് ഇതിനെതിരെ കോടതിയില്‍ ഹരജി നല്‍കുന്നത്. സി.പി.എം പ്രവര്‍ത്തകരെ ഉപയോഗിച്ചുകൊണ്ട് ഒരു രാഷ്ട്രീയ പരിപാടിയാണ് നടത്തുന്നത് എന്നായിരുന്നു ഹരജിക്കാര്‍ കോടതിയില്‍ പറഞ്ഞത്. കെ.എസ്.യു സംസ്ഥാന ജനറല്‍ സെക്രട്ടറി മുബാസ് നല്‍കിയ ഹരജിയില്‍ കോടതി നിരവധി തവണ വാദം കേട്ടിരുന്നു. അതിനുശേഷമാണ് ഇതില്‍ ബജറ്റ് അലോക്കെഷനോ ധനകാര്യ വകുപ്പിന്റെ അനുമതിയോ ഈ പരിപാടിക്ക് ഇല്ല എന്ന് കണ്ടെത്തിക്കൊണ്ടാണ് ഹൈക്കോടതി പദ്ധതി റദ്ദാക്കിയിരിക്കുന്നത്.

സര്‍വേ ജനുവരി, ഫെബ്രുവരി മാസങ്ങളില്‍ നടത്തുമെന്നാണു പ്രഖ്യാപിച്ചിരുന്നത്. 20 കോടി രൂപ സര്‍വേക്ക് സര്‍ക്കാര്‍ അനുവദിച്ചിരുന്നു.