ദോഹ: ഖത്തറിൽ  റമദാൻ മാസം നാളെയോടെ ആരംഭിക്കുമെന്ന് ഔദ്യോഗികമായി വൃത്തങ്ങൾ  അറിയിച്ചു. റമദാൻ മാസത്തിന് മുന്നോടിയായി വിശ്വാസികൾക്ക് സഹായകരമാകുന്ന വിധത്തിൽ മുഴുവൻ മാസത്തേക്കുള്ള നിസ്കാര സമയക്രമം ഉൾപ്പെടുത്തിയ കലണ്ടർ അധികൃതർ പുറത്തിറക്കിയിട്ടുണ്ട്.

നോമ്പിനോടനുബന്ധിച്ചുള്ള സഹൂർ, ഇഫ്താർ, ഫജർ, മഗ്രിബ് തുടങ്ങിയ പ്രധാന സമയങ്ങൾ ഉൾപ്പെടുത്തിയ ഈ സമയക്രമം വിശ്വാസികൾക്ക് വളരെ ഉപകാരപ്രദമാകുമെന്ന് അധികൃതർ പറഞ്ഞു. കൂടാതെ ഇത് ദിവസേനയുള്ള  ആരാധനകൾ ക്രമീകരിക്കാൻ സഹായകരമായിരിക്കും. 

റമദാൻ കാലത്ത് ആത്മീയ പ്രവർത്തനങ്ങൾക്ക് കൂടുതൽ പ്രാധാന്യം നൽകുന്നതിനാൽ കൃത്യമായ സമയക്രമം പിന്തുടരുന്നത് ഏറെ പ്രധാനമാണെന്ന് മതപണ്ഡിതർ വ്യക്തമാക്കി 

രാജ്യത്തെ പള്ളികളിലും മതകേന്ദ്രങ്ങളിലും റമദാൻ പ്രാർത്ഥനകൾക്കും രാത്രി നമസ്കാരങ്ങൾക്കുമായി പ്രത്യേക ഒരുക്കങ്ങൾ പൂർത്തിയാക്കിയിട്ടുണ്ട്. 

റമദാൻ സമയക്രമം ഉൾപ്പെടുത്തിയ കലണ്ടർ പൊതുജനങ്ങൾക്ക് ലഭ്യമാക്കിയതിനാൽ വിശ്വാസികൾക്ക് ദിനചര്യകൾ മുൻകൂട്ടി തീരുമാനിക്കാനും  ആരാധനാ സമയം കൃത്യമായി പാലിക്കാനും  സഹായകരമാകുമെന്ന് ബന്ധപ്പെട്ട അധികൃതർ വ്യക്തമാക്കി.