കോഴിക്കോട്: സി.എം.പിയുടെ യുവജന സംഘടനയായ കേരള സോഷ്യലിസ്റ്റ് യൂത്ത് ഫെഡറേഷന്റെ നേതൃത്വത്തില്‍ കോഴിക്കോട് നഗരത്തിലെ തെരുവില്‍ കഴിയുന്ന അശരണരായ സഹോദരങ്ങള്‍ക്ക്  ഓണസദ്യ നല്‍കി. വിവിധ വിഭവങ്ങളടങ്ങിയ  ഭക്ഷണം കിറ്റുകളായാണ് വിതരണം ചെയ്തത്.  
കോഴിക്കോട് ലിങ്ക് റോഡില്‍ വച്ച്  സി.എം.പി ജില്ലാ സെക്രട്ടറി ജി. നാരായണന്‍കുട്ടി മാസ്റ്റര്‍ ഭക്ഷണ വിതരണത്തിന്റെ ഉദ്ഘാടനം നിര്‍വഹിച്ചു . കെ.എസ്.വൈ.എഫ് ജില്ലാ പ്രസിഡന്റ് അഷറഫ് മണക്കടവ്, സെക്രട്ടറി സുധീഷ് എം, സി.എം.പി കോഴിക്കോട് ഏരിയാ സെക്രട്ടറി കെ.കെ ചന്ദ്രഹാസന്‍, ഫറോക്ക് ഏരിയാ സെക്രട്ടറി പി. ബൈജു, ചാലില്‍ മൊയ്തീന്‍ കോയ, ഷൗക്കത്ത് പി, കമലേഷ് യു സംസാരിച്ചു.