ടി-20 ലോകകപ്പ് സെമിഫൈനലിലേക്ക് മുന്നേറി ഇംഗ്ലണ്ട്. സൂപ്പർ എട്ടിലെ രണ്ടാം മത്സരത്തിൽ പാകിസ്ഥാനെ രണ്ടു വിക്കറ്റുകൾക്ക് കീഴടക്കിയാണ് ഇംഗ്ലണ്ട് സെമിഫൈനൽ ടിക്കറ്റ് സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത പാകിസ്ഥാൻ 20 ഓവറിൽ 9 വിക്കറ്റ് നഷ്ടത്തിൽ 164 റൺസാണ് നേടിയത്. മറുപടി ബാറ്റിങ്ങിനിറങ്ങിയ ഇംഗ്ലണ്ട് 19.1 ഓവറിൽ എട്ട് വിക്കറ്റ് നഷ്ടത്തിൽ ലക്ഷ്യം മറികടന്നു. 

സെഞ്ച്വറി നേടിയ ക്യാപ്റ്റൻ ഹാരി ബ്രൂക്കിന്റെ കരുത്തിലാണ് ഇംഗ്ലണ്ട് വിജയം പിടിച്ചെടുത്തത്. 51 പന്തിൽ പത്ത് ഫോറുകളും നാല് സിക്സുകളും അടക്കം 100 റൺസ് നേടിയാണ് ബ്രുക്ക് തിളങ്ങിയത്. ടി-20 ലോകകപ്പിന്റെ ചരിത്രത്തിൽ സെഞ്ച്വറി നേടുന്ന ആദ്യ ക്യാപ്റ്റനാണ് ഹാരി ബ്രൂക്ക്. 2010 ടി-20 ലോകകപ്പിൽ വെസ്റ്റ് ഇൻഡീസ് ക്യാപ്റ്റൻ ക്രിസ് ഗെയ്ൽ ഇന്ത്യക്കെതിരെ സെഞ്ച്വറിക്ക് അരികിൽ എത്തിയെങ്കിലും 98 റൺസിന് പുറത്താവുകയായിരുന്നു.

സാഹിബ്‌സാദ ഫർഹാന്റെ അർദ്ധ സെഞ്ച്വറിയാണ് പാകിസ്ഥാന് പൊരുതാവുന്ന സ്കോർ സമ്മാനിച്ചത്. 45 പന്തിൽ 63 റൺസ് ആണ് ഫർഹാന്റെ ബാറ്റിൽ നിന്നും പിറന്നത്. ഏഴ് ഫോറുകളും രണ്ട് സിക്സുകളും അടങ്ങുന്നതായിരുന്നു താരത്തിന്റെ പ്രകടനം. ബാബർ അസം, ഫക്കർ സമാൻ എന്നിവർ 25 റൺസ് വീതം നേടി. 

ഇംഗ്ലണ്ടിനായി ലിയാം ഡാവ്സൻ മൂന്ന് വിക്കറ്റും ജോഫ്ര ആർച്ചർ, ജാമി ഓവർട്ടൻ എന്നിവർ രണ്ട് വീതം വിക്കറ്റും നേടി. പാക് ബൗളിങ്ങിൽ മികച്ച പ്രകടനം നടത്തിയത് ഷഹീൻ അഫ്രീദിയാണ്. നാല് വിക്കറ്റുകളാണ് താരം വീഴ്ത്തിയത്. 

ഈ തോൽവിയോടെ പാകിസ്ഥാന്റെ സെമിഫൈനൽ പ്രതീക്ഷകൾക്കും തിരിച്ചടിയേറ്റിരിക്കുകയാണ്. ന്യൂസിലാൻഡിനെതിരെയുള്ള പാകിസ്ഥാന്റെ ആദ്യ മത്സരം മഴമൂലം ഉപേക്ഷിക്കപ്പെട്ടിരുന്നു. സൂപ്പർ എട്ടിലെ പാക്കിസ്ഥാന്റെ അവസാന മത്സരം ശ്രീലങ്കക്കെതിരെയാണ്. ഫെബ്രുവരി 28നാണ് മത്സരം നടക്കുന്നത്. മറുഭാഗത്ത് ഇംഗ്ലണ്ട് ഫെബ്രുവരി 27ന് ന്യൂസിലാൻഡിനെയും നേരിടും.

England advanced to the semi-finals of the T20 World Cup. England defeated Pakistan by two wickets in the second match of the Super Eights to book their place in the semi-finals. England secured the victory on the strength of captain Harry Brook, who scored a century. Brook shone by scoring 100 runs in 51 balls, including 10 fours and four sixes. Harry Brook is the first captain in the history of the T20 World Cup to score a century.