ദോഹ: ഭക്ഷ്യസുരക്ഷയെക്കുറിച്ച് അറിവ് പകരാൻ യങ് ഇൻസ്പെക്ടർ' പദ്ധതിയുമായി ഖത്തർ പൊതുജനാരോഗ്യ മന്ത്രാലയം. സ്‌കൂൾ വിദ്യാർഥികൾക്കിടയിലും സമൂഹത്തിലും അവബോധം സൃഷ്ടിക്കാൻ വിദ്യാഭ്യാസ-ഉന്നത വിദ്യാഭ്യാസ മന്ത്രാലയവുമായി സഹകരിച്ചാണ് പദ്ധതി നടപ്പിലാക്കുക. കുട്ടികളിൽ ആരോഗ്യകരമായ ഭക്ഷണരീതികൾ ചെറുപ്പത്തിലേ ശീലമാക്കുന്നതിന് ഇതിലൂടെ സാധിക്കും. പദ്ധതിയിലൂടെ തിരഞ്ഞെടുത്ത വിദ്യാർഥികൾക്ക് ഭക്ഷണ നിർമാണ ഫാക്ടറികളിൽ സന്ദർശനം നടത്താൻ അവസരം ലഭിക്കും.

ALSO READ: ജിദ്ദയിൽ മന്ത്രിസഭാ യോഗം ചേർന്നു; വിവിധ രാജ്യങ്ങളുമായി നയതന്ത്ര-സാമ്പത്തിക കരാറുകൾക്ക് സഊദി മന്ത്രിസഭയുടെ അംഗീകാരം

ഭക്ഷണം കേടുവരാതെ എങ്ങനെ സൂക്ഷിക്കാമെന്നും ഫാക്ടറികളിൽ എങ്ങനെയൊക്കെയാണ് പരിശോധനകൾ നടത്തുന്നതെന്നും കുട്ടികൾക്ക് നേരിട്ട് മനസ്സിലാക്കാം. പ്രൈമറി സ്‌കൂളുകളിൽ നടന്ന വർക്ക്‌ഷോപ്പുകളുടെ ഭാഗമായി സ്‌കൂൾ കാന്റീനുകളിൽ പരിശോധന നടത്താൻ കുട്ടികളെയും ഉൾപ്പെടുത്തി. ഭക്ഷ്യസുരക്ഷാ ലാബുകളും കുട്ടികൾക്ക് സന്ദർശിക്കാൻ അധികൃതർ അവസരമൊരുക്കി. ഭക്ഷണത്തിലെ വിഷാംശങ്ങൾ എങ്ങനെ കണ്ടെത്താമെന്നും ലാബ് പരിശോധനകളുടെ പ്രാധാന്യം എന്താണെന്നും വിശദീകരിച്ചു നൽകി. ദേശീയ ബോധവൽക്കരണ പരിപാടികളുടെ വിജയത്തിന് വിദ്യാഭ്യാസ സ്ഥാപനങ്ങളും സ്വകാര്യ മേഖലയും തമ്മിൽ സഹകരണം അത്യാവശ്യമാണെന്നും മന്ത്രാലയം വ്യക്തമാക്കി. 

Qatar's Ministry of Public Health launches 'Young Inspector' initiative for students to promote food safety awareness through factory visits and workshops.