ആഗോള സംഘര്‍ഷ സാഹചര്യത്തില്‍ സ്വര്‍ണവിലയില്‍ വന്‍ വര്‍ധനവ്. ഇന്ന് ഗ്രാമിന് 400 രൂപയും പവന് 3200 രൂപയുമാണ് വര്‍ധിച്ചത്. ഇന്നലെ രണ്ട് തവണയായി 5240 രൂപ വര്‍ധിച്ചിരുന്നു. ഇതോടെ രണ്ട് ദിവസം കൊണ്ട് 8440 രൂപയുടെ വര്‍ധനവാണ് ഉണ്ടായത്. സംഘര്‍ഷ സാഹചര്യത്തില്‍ സുരക്ഷിത നിക്ഷേപമെന്ന നിലയില്‍ നിക്ഷേപകര്‍ സ്വര്‍ണത്തിലേക്ക് മാറിയതാണ് വില വര്‍ധിക്കാന്‍ കാരണമായത്.

ആഗോളവിപണിയില്‍ സ്വര്‍ണം ട്രോയ് ഔണ്‍സിന് 5278 ഡോളറും വെളളി വില ട്രോയ് ഔണ്‍സിന് 93.72 ഡോളര്‍ എന്ന നിലയിലുമെത്തി. 

ALSO READ: ഖാംനഈ രക്തസാക്ഷിയായി; സ്ഥിരീകരിച്ച് ഇറാൻ; രാജ്യത്ത് ദുഃഖാചരണം പ്രഖ്യാപിച്ചു

ഇന്നത്തെ വില: ഗ്രാമിന് 15,865 രൂപയും പവന് 1,26,920 രൂപയുമാണ് ഇന്നത്തെ വില.

സാധാരണ രീതിയില്‍ ഞായറാഴ്ച്ച കേരളത്തില്‍ സ്വര്‍ണവിലയില്‍ മാറ്റമുണ്ടാകാറില്ല. എന്നാല്‍ പശ്ചിമേഷ്യന്‍ സംഘര്‍ഷത്തിന്റെ പശ്ചാത്തലത്തില്‍ വില വര്‍ധിപ്പിക്കാന്‍ തീരുമാനിക്കുകയായിരുന്നു.

10 ശതമാനം പണിക്കൂലി കണക്കാക്കിയാല്‍  ഇന്നത്തെ വിലയില്‍ 22 കാരറ്റ് ഒരു പവന്റെ സ്വര്‍ണാഭരണം വാങ്ങാന്‍ 1,43,854 രൂപയോളം നല്‍കണം. 18 കാരറ്റ് സ്വര്‍ണത്തിന് 325 രൂപയാണ് ഗ്രാമിന് കൂടിയത്.ഇതോടെ ഗ്രാമിന് 13,030 രൂപയും പവന് 1,04,240 രൂപയുമായി. 

Gold prices have surged sharply amid escalating Middle East tensions, as investors turn to the precious metal as a safe-haven asset during geopolitical uncertainty. In just two days, gold prices have jumped by over ₹8,000, reflecting strong global demand and market volatility.