തിരുവനന്തപുരം: എംഡിഎംഎ കേസില്‍ മുന്‍ സന്തോഷ് ട്രോഫി താരം പിടിയില്‍. ഹോട്ടലുകള്‍ കേന്ദ്രീകരിച്ച് എംഡിഎംഎ വില്‍പ്പന നടത്തി വന്നിരുന്ന നജീബ് ഖാനെയാണ് എക്‌സൈസ് സംഘം അറസ്റ്റ് ചെയ്തത്. ട്രാവന്‍കൂര്‍ ടൈറ്റാനിയം പ്രൊഡക്ട്‌സ് ലിമിറ്റഡ് സീനിയര്‍ സൂപ്രണ്ട് കൂടിയാണ് നജീബ്. 

ഇലക്ഷന്‍ സ്‌പെഷ്യല്‍ ഡ്രൈവിന്റെ ഭാഗമായി നടത്തിയ പരിശോധനയിലാണ് പ്രതി പിടിയിലായത്. തിരുവനന്തപുരം എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നാര്‍ക്കോട്ടിക് സ്‌പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ അരുണ്‍ അശോകിന്റെ നേതൃത്വത്തിലുള്ള സംഘമാണ് പരിശോധന നടത്തിയത്. 

ALSO READ: വീട്ടുമുറ്റത്ത് മാംസാവശിഷ്ടം കണ്ടെത്തി; ഗോവധമെന്ന് പ്രചരണം; അസമില്‍ മുസ്‌ലിം വീടുകള്‍ക്ക് നേരെ വ്യാപക ആക്രമണം  

നജീബിനെ കുറിച്ച് മുന്‍പും പരാതികള്‍ ഉയര്‍ന്നിട്ടുണ്ട്. രഹസ്യ വിവരത്തിന്റെ അടിസ്ഥാനത്തില്‍ സ്‌ക്വാഡ് അംഗങ്ങളെ വിന്യസിച്ച് പ്രതിയെ നിരീക്ഷച്ച് വരികയായിരുന്നു. പ്രത്യേക മൊബൈല്‍ ആപ്പ് വഴി ആളുകളെ കണ്ടെത്തി എംഡിഎംഎ എത്തിച്ച് നല്‍കുകയായിരുന്നു ഇയാളുടെ പതിവ്. ഇതിനായി വലിയ ശൃംഖലയുണ്ടെന്നാണ് റിപ്പോര്‍ട്ട്. പ്രമുഖരുള്‍പ്പെടെ ലഹരിക്കായി ഇയാളുടെ അടുത്ത് എത്താറുണ്ട്.

in an mdma case, a former santosh trophy player has been arrested. the excise team arrested najeeb khan, who had been selling mdma centered around hotels.