ന്യൂഡല്‍ഹി: പശ്ചിമ ബംഗാളിലെ മാല്‍ഡ ജില്ലയില്‍, എസ്.ഐ.ആര്‍ പട്ടികയില്‍ പേരുവെട്ടിയെന്ന ആരോപണത്തില്‍ പ്രതിഷേധിച്ച് 
ജുഡീഷ്യല്‍ ഉദ്യോഗസ്ഥരെ തടഞ്ഞുവെച്ച സംഭവത്തില്‍ കേസന്വേഷണം എന്‍.ഐ.എക്ക് കൈമാറി. മുഖ്യ തെരഞ്ഞെടുപ്പ് കമ്മീഷണര്‍ ജ്ഞാനേഷ് കുമാര്‍ ആണ് കേസ് എന്‍.ഐ.എക്ക് കൈമാറിയത്. അന്വേഷണത്തിനായി എന്‍.ഐ.എ സംഘം വെള്ളിയാഴ്ച്ച ബംഗാളിലെത്തും. 

വോട്ടര്‍പട്ടികയില്‍ നിന്ന് വ്യാപകമായി പേരുകള്‍ വെട്ടിമാറ്റപ്പെട്ടതിന് പിന്നാലെയാണ് ജനങ്ങള്‍ പ്രതിഷേധവുമായി രംഗത്തെത്തിയത്. പ്രതിഷേധക്കാര്‍ ഏഴ് ജഡ്മിമാരടക്കം ഉദ്യോഗസ്ഥരെ ഒന്‍പത് മണിക്കൂറിലധികം തടഞ്ഞുവെച്ചതായാണ് പരാതി. സംഭവത്തില്‍ ഇതുവരെ 18 പേരെ അറസ്റ്റ് ചെയ്തതായി ബംഗാള്‍ പൊലിസ് അറിയിച്ചു.

ALSO READ: ഹോർമുസ് പ്രതിസന്ധി: യുകെ വിളിച്ച 40 രാജ്യങ്ങളുടെ യോഗത്തിൽ ഇന്ത്യ; വിട്ടുനിന്ന് അമേരിക്ക 

പശ്ചിമ ബംഗാള്‍ നിയമസഭാ തിരഞ്ഞെടുപ്പിന് മുന്നോടിയായി വോട്ടര്‍പട്ടിക പുതുക്കുന്ന ചുമതലയിലായിരുന്ന ഏഴ് ജുഡീഷ്യല്‍ ഓഫീസര്‍മാരെയാണ് മാള്‍ഡയിലെ കാലിയാചക് 2 ബ്ലോക്ക് ഡെവലപ്‌മെന്റ് ഓഫീസില്‍ വെച്ച് ജനക്കൂട്ടം തടഞ്ഞുവെച്ചത്. തടഞ്ഞുവെക്കപ്പെട്ടവരില്‍ മൂന്ന് വനിത ഓഫീസര്‍മാരും ഉള്‍പ്പെടും. സംഭവം ഉദ്യോഗസ്ഥരെ ഭയപ്പെടുത്താനും തിരഞ്ഞെടുപ്പ് പ്രക്രിയയെ അട്ടിമറിക്കാനുമുള്ള ആസൂത്രിത നീക്കമാണെന്ന് സുപ്രീം കോടതി നിരീക്ഷിച്ചു. സ്വമേധയാ കേസെടുത്ത കോടതി കേന്ദ്രസേനയെ വിന്യസിക്കാന്‍ ഉത്തരവിടുകയും, ഏപ്രില്‍ 6ന് വെര്‍ച്വല്‍ ഹിയറിങ്ങിന് ഹാജരാവാന്‍ ബംഗാള്‍ ഡിജിപിക്ക് നിര്‍ദേശം നല്‍കുകയും ചെയ്തിട്ടുണ്ട്.

the case about stopping judicial officers during a protest in malda district of west bengal has been given to the nia for investigation. the protest was over claims that names were removed from the sir list.