ശ്രീകണ്ഠപുരം: ശ്രീകണ്ഠപുരം നഗരസഭയ്ക്ക് 2015-16 വര്‍ഷത്തെ പ്രവര്‍ത്തന പദ്ധതിക്ക് ആസൂത്രണ സമിതിയുടെ അംഗീകാരം ലഭിച്ചു. സ്റ്റാഫ് അംഗങ്ങളുടെ കുറവും നിര്‍വഹണ ഉദ്യോഗസ്ഥരുടെ പോരായ്മയും ഉണ്ടെങ്കിലും കൂട്ടായ കഠിനാധ്വാനത്തിന്റെ ഫലമായാണു നിശ്ചിത തിയതിക്കകം പദ്ധതി സമര്‍പ്പിക്കാനായത്. ദിവസം തെറ്റിയാല്‍ പദ്ധതി വിഹിതത്തില്‍ നിന്ന് അഞ്ചുശതമാനം കുറവു വരുമായിരുന്നു. 8.5 കോടിയുടെ വിഹിതത്തിനാണ് അംഗീകാരം ലഭിച്ചത്. ആത്മാര്‍ഥമായി പ്രവര്‍ത്തിച്ച ജിവനക്കാരെയും നിര്‍വഹണ ഉദ്യോഗസ്ഥരെയും നഗരസഭാ ചെയര്‍മാന്‍ പി.പി രാഘവന്‍ അഭിനന്ദിച്ചു.