കണ്ണൂര്‍: തെലങ്കാന മുഖ്യമന്ത്രി രേവന്ത് റെഡ്ഡിയുടെ വിമര്‍ശനങ്ങള്‍ക്കെതിരെ വിവാദ പരാമര്‍ശവുമായി മുഖ്യമന്ത്രി പിണറായി വിജയന്‍. വാര്‍ത്താ സമ്മേളനത്തിനിടെ രേവന്ത് റെഡ്ഡിയുടെ വിമര്‍ശനങ്ങളെക്കുറിച്ച് മാധ്യമങ്ങള്‍ ചൂണ്ടിക്കാണിച്ചപ്പോള്‍ 'ഡാഷ് മോനേ രേവന്താ, മറുപടി വരുന്നുണ്ട്' - എന്നായിരുന്നു മുഖ്യമന്ത്രി പ്രതികരിച്ചത്. 

വിശദമായ മറുപടി പറയുന്നുണ്ടെന്നും തല്‍ക്കാലം ഇത്രമാത്രമേ പറയുന്നുള്ളൂ എന്നും മുഖ്യമന്ത്രി പറഞ്ഞു.  രേവന്ത് റെഡ്ഡി പിണറായി വിജയനെ സംവാദത്തിന് വിളിച്ചതുമായി ബന്ധപ്പെട്ട മാധ്യമപ്രവര്‍ത്തകരുടെ ചോദ്യത്തിന് മറുപടിയായാണ് മുഖ്യമന്ത്രി ഇത്തരത്തില്‍ പ്രതികരിച്ചത്. പോ മോനേ വിജയാ എന്ന് അഭിസംബോധന ചെയ്തുകൊണ്ടാണ് രേവന്ത് റെഡ്ഡി മുഖ്യമന്തിക്കെതിരെ പരാമര്‍ശം നടത്തിയത്.

നേമത്തെ സ്ഥാനാര്‍ഥി കെ.എസ് ശബരിനാഥനൊപ്പം നടത്തിയ റോഡ് ഷോയിലായിരുന്നു വിമര്‍ശനം. പിണറായി വിജയന്റെ എക്സ്പയറി ഡേറ്റ് കഴിഞ്ഞുവെന്നും കേരളത്തില്‍ യു.ഡി.എഫ് അധികാരത്തില്‍ വരുമെന്നും രേവന്ത് റെഡ്ഡി പറഞ്ഞിരുന്നു.

Kerala Chief Minister Pinarayi Vijayan has sparked controversy with a sharp remark directed at Telangana Chief Minister Revanth Reddy, indicating that a strong response is on the way. The statement comes amid an ongoing exchange between the two leaders, intensifying the political war of words. The remark has drawn attention and reactions from various political quarters.