ഷാര്‍ജ: സാമ്പത്തിക പ്രതിസന്ധികളും നിയമനടപടികളും മൂലം ഒരു മാസത്തോളമായി ഷാര്‍ജയില്‍ കുടുങ്ങിക്കിടന്ന മലയാളി യുവതിയുടെ മൃതദേഹം നാട്ടിലെത്തിച്ചു. എറണാകുളം മട്ടാഞ്ചേരി സ്വദേശിനി സുമയ്യ (31) യുടെ ഭൗതികദേഹമാണ് ഇന്നലെ രാത്രി വൈകി ഷാര്‍ജയില്‍ നിന്ന് എയര്‍ അറേബ്യ വിമാനത്തില്‍ കൊച്ചിയിലേക്ക് കൊണ്ടുപോയത്.
സന്ദര്‍ശക വിസയില്‍ യുഎഇയില്‍ എത്തിയ സുമയ്യ മാര്‍ച്ച് ഏഴിനാണ് ഷാര്‍ജ കുവൈത്ത് ആശുപത്രിയില്‍ വെച്ച് മരണപ്പെട്ടത്. ആന്തരിക രക്തസ്രാവത്തെത്തുടര്‍ന്നുണ്ടായ ഹൃദയസ്തംഭനമാണ് മരണകാരണമെന്ന് മെഡിക്കല്‍ റിപ്പോര്‍ട്ടുകള്‍ സൂചിപ്പിക്കുന്നു. ഫെബ്രുവരി 27ന് ശാരീരിക അസ്വസ്ഥതകളെത്തുടര്‍ന്ന് ഇവരെ ആശുപത്രിയില്‍ പ്രവേശിപ്പിച്ചിരുന്നു. സുഹൃത്തുമായുണ്ടായ തര്‍ക്കത്തെത്തുടര്‍ന്ന് അണുനാശിനി കുടിച്ചതാണ് മരണത്തിലേക്ക് നയിച്ചതെന്ന് ഭര്‍ത്താവ് ഷമീര്‍ പറഞ്ഞു.

കുടുംബത്തിന്റെ ഏക പ്രതീക്ഷ

രണ്ട് വര്‍ഷത്തോളം യുഎഇയിലെ ഡേ കെയറില്‍ ജോലി ചെയ്തിരുന്ന സുമയ്യ, രണ്ട് മാസത്തെ അവധിക്ക് ശേഷം റമദാന്‍ തുടങ്ങുന്നതിന് തൊട്ടുമുമ്പാണ് വീണ്ടും വിദേശത്തേക്ക് പോയത്. തനിക്ക് ലഭിക്കാനുള്ള പണം വാങ്ങുന്നതിനും ഭര്‍ത്താവിനും മൂന്ന് മക്കള്‍ക്കും വേണ്ടി മെച്ചപ്പെട്ട ജോലി കണ്ടെത്താനുമായിരുന്നു ആ യാത്ര. 10, 8, 5 വയസ്സുള്ള മൂന്ന് മക്കള്‍ നാട്ടില്‍ പിതാവിനൊപ്പമാണുള്ളത്.  ആശുപത്രിയില്‍ ചികിത്സയില്‍ കഴിയുമ്പോള്‍ പോലും ഫോണിലൂടെ മക്കളെ ഇംഗ്ലീഷ് പഠിപ്പിക്കാന്‍ അവര്‍ ശ്രമിച്ചിരുന്നതായി വരാപ്പുഴ സ്വദേശിയായ ഭര്‍ത്താവ് ഷമീര്‍ വിതുമ്പലോടെ ഓര്‍ക്കുന്നു.
മൂത്ത രണ്ട് മക്കളെ മരണവിവരം അറിയിച്ചെങ്കിലും അഞ്ച് വയസ്സുകാരനായ ഇളയ മകന്‍ അമ്മയുടെ മടക്കയാത്രയെക്കുറിച്ച് ഇപ്പോഴും അറിഞ്ഞിട്ടില്ല. ഭാഗികമായി തളര്‍ന്നു കിടക്കുന്ന പിതാവും മറ്റ് പ്രാരാബ്ധങ്ങളുംക്കിടയില്‍ തകര്‍ന്ന കുടുംബത്തിന് സുമയ്യയുടെ വിയോഗം തീരാനഷ്ടമായി.

തുണയായത് പ്രവാസി കൂട്ടായ്മ

സന്ദര്‍ശക വിസയിലായിരുന്നതിനാല്‍ മൃതദേഹം നാട്ടിലെത്തിക്കാന്‍ കമ്പനികളുടെയോ മറ്റോ സഹായം ലഭ്യമല്ലായിരുന്നു. വിമാന ടിക്കറ്റ് നിരക്ക് കുത്തനെ കൂടിയതും സാമ്പത്തികമായി പിന്നോക്കം നില്‍ക്കുന്ന കുടുംബത്തിന് വലിയ തിരിച്ചടിയായി. ഒടുവില്‍ പ്രതിപക്ഷ നേതാവ് വി.ഡി. സതീശന്റെ ഇടപെടലിനെത്തുടര്‍ന്നാണ് നടപടികള്‍ വേഗത്തിലായത്.
നിയമപരമായ നടപടികള്‍ പൂര്‍ത്തിയാക്കിയ ശേഷം മൃതദേഹം നാട്ടിലെത്തിക്കാന്‍ സാമ്പത്തികമായി ആരുമില്ലാത്ത അവസ്ഥയായിരുന്നു. പ്രതിപക്ഷ നേതാവിന്റെ നിര്‍ദ്ദേശപ്രകാരം ഞങ്ങളുടെ സ്ഥാപനം ഇടപെടുകയും പേപ്പര്‍ വര്‍ക്കുകള്‍ പൂര്‍ത്തിയാക്കി മൃതദേഹം നാട്ടിലെത്തിക്കാനുള്ള ചിലവ് ഏറ്റെടുക്കുകയുമായിരുന്നുവെന്ന് നടപടികള്‍ക്ക് നേതൃത്വം നല്‍കിയ സലാം പാപ്പിനിശ്ശേരി പറഞ്ഞു. 

Summary: The mortal remains of an Indian expat woman, who died in Sharjah a month ago, were flown home late on Monday night, according to her family back home and community members here. 
The deceased has been identified as Kochi Native Sumayya (31) a mother of three children aged 10, eight and five, who live with their father back home. Sumayya who was on a visit visa, died at a hospital in Sharjah on March 7.