ഉദുമ: ഒളികാമറയുള്ള കണ്ണട ധരിച്ച് പോളിങ് ബൂത്തിലെത്തിയ യു.ഡി.എഫ് സ്ഥാനാര്‍ഥിയുടെ ചീഫ് ഏജന്റ് പിടിയില്‍. യു.ഡി.എഫ് സ്ഥാനാര്‍ഥി കെ. നീലകണ്ഠന്റെ ചീഫ് ഏജന്റും അഭിഭാഷകനുമായ ബി.എം. ജമാലാണ് പിടിയിലായത്. വോട്ടെടുപ്പ് നടക്കുന്നതിനിടെ വ്യാഴാഴ്ച്ച രാവിലെയാണ് സംഭവം നടന്നത്. 

ബേക്കല്‍ ഇസ്‌ലാമിക് എ.എല്‍.പി സ്‌കൂളിലെ പോളിങ് ബൂത്തിലാണ് സംഭവം. ചീഫ് ഏജന്റിന്റെ കണ്ണട പൊലിസ് പിടിച്ചെടുത്തു.

ജമാല്‍ ധരിച്ച കണ്ണടയില്‍ കാമറയുണ്ടെന്ന് ശ്രദ്ധയില്‍പെട്ട എല്‍.ഡി.എഫ് പ്രവര്‍ത്തകര്‍ പ്രതിഷേധവുമായി രംഗത്തെത്തി. സംഭവത്തെത്തുടര്‍ന്ന് ബൂത്തില്‍ നേരിയ സംഘര്‍ഷാവസ്ഥയുണ്ടായി. 

തെരഞ്ഞെടുപ്പ് ചട്ടലംഘനം നടത്തിയതിന്റെ പേരില്‍ അറസ്റ്റ് ഉള്‍പ്പെടെയുള്ള മറ്റ് നടപടികള്‍ പിന്നീടുണ്ടാകുമെന്ന് പൊലിസ് അറിയിച്ചു.

A UDF chief polling agent was taken into custody after arriving at a polling booth wearing glasses fitted with a hidden camera. The incident raised serious concerns over election violations and voter privacy. Authorities intervened promptly, and further investigation is underway to determine the intent and possible breaches of election rules.