തിരൂര്‍: തീരദേശത്തെ അക്രമസംഭവങ്ങളില്‍ പൊലിസ് അറസ്റ്റ് ചെയ്തു തിരൂര്‍ സബ് ജയിലില്‍ റിമാന്‍ഡില്‍ കഴിയുന്ന യൂത്ത്‌ലീഗ് പ്രവര്‍ത്തകരെ ജില്ലാ നേതാക്കള്‍ സന്ദര്‍ശിച്ചു. യൂത്ത്‌ലീഗ് ജില്ലാ പ്രസിഡന്റ് നൗഷാദ് മണ്ണിശ്ശേയുടെ നേതൃത്വത്തിലാണ് നേതാക്കള്‍ പെരുന്നാള്‍ ദിനത്തില്‍ ജയിലിലെത്തിയത്.
ഒന്‍പത് യൂത്ത്‌ലീഗ് പ്രവര്‍ത്തകരാണ് ജയിലില്‍ കഴിയുന്നത്. പെരുന്നാള്‍ദിന പരിപാടികള്‍ മാറ്റിവച്ചാണ് നേതാക്കള്‍ ജയിലിലെത്തിയത്. ജില്ലാ ട്രഷറര്‍ ഹമീദ് നിയാസ്, സെക്രട്ടറി കെ. സലാം, വി.ടി സുബൈര്‍ തങ്ങള്‍, അന്‍വര്‍ മുള്ളമ്പാറ, വി.കെ ഫൈസല്‍ ബാബു, വി.കെ.എം ഷാഫി, റഷീദ് മോര്യ, പി.വി സമദ്, ഐ.പി ജലീല്‍, വി.കെ ജലീല്‍, എം.പി മജീദ്, വി.വി ഹെമിന്‍, സുലൈമാന്‍ ഏഴൂര്‍ പങ്കെടുത്തു.