മസ്‌കത്ത്: ഒമാനില്‍ മണ്ണാര്‍ക്കാട് സ്വദേശിയായ യുവാവ് ഹൃദയാഘാതംമൂലം അന്തരിച്ചു. പാലക്കാട് മണ്ണാര്‍ക്കാട് പെരിമ്പടാരി ഒന്നാം മൈലില്‍ ചുക്കുട്ടന്‍ വീട്ടില്‍ മുഹമ്മദ് റിഫാസ് (23) ആണ് ഹൃദയാഘാതംമൂലം മരിച്ചത്. ബര്‍ക്ക മുറൈസി അല്‍ അഹ!ലി മോഡേണ്‍ ബേക്കറിയില്‍ ജീവനക്കാരനായിരുന്ന മുഹമ്മദ് റിഫാസ്, എട്ടു മാസം മുമ്പാണ് ഒമാനിലെത്തിയത്. പിതാവ്: പരേതനായ അബ്ദുല്‍ ലത്തീഫ്. മാതാവ്: ഫൗസിയ. മരണാനന്തര നടപടിക്രമങ്ങള്‍ പൂര്‍ത്തിയാക്കിയ ശേഷം മയ്യിത്ത് ഇന്ന് രാവിലെ കൊച്ചിയിലേക്കുള്ള ഒമാന്‍ എയര്‍ വിമാനത്തില്‍ നാട്ടിലെത്തിച്ചു.

Summary: A 23-year-old youth from Kerala passed away due to a heart attack in Oman. The deceased has been identified as Muhammad Rifaas, a native of Perimbadari near Mannarkkad in the Palakkad district.