അബുദബി: അറ്റകുറ്റപ്പണികളും കായിക മത്സരവും പ്രമാണിച്ച് അബുദബിയിൽ ഈ വാരാന്ത്യത്തിൽ വിവിധയിടങ്ങളിൽ ഗതാഗത നിയന്ത്രണം ഏർപ്പെടുത്തുമെന്ന് ഇന്റഗ്രേറ്റഡ് ട്രാൻസ്‌പോർട്ട് സെന്റർ (AD Mobility) അറിയിച്ചു. വാഹനമോടിക്കുന്നവർ മുൻകൂട്ടി യാത്രകൾ ആസൂത്രണം ചെയ്യണമെന്ന് അധികൃതർ നിർദ്ദേശിച്ചു.

'റൺ ഫോർ ദി നേഷൻ' കമ്മ്യൂണിറ്റി റേസ്

ഏപ്രിൽ 18 ശനിയാഴ്ച നടക്കാനിരിക്കുന്ന 'റൺ ഫോർ ദി നേഷൻ' 5 കിലോമീറ്റർ ഓട്ടമത്സരത്തിന്റെ ഭാഗമായി വഹാത് അൽ കരാമയ്ക്ക് ചുറ്റുമുള്ള റോഡുകൾ താൽക്കാലികമായി അടയ്ക്കും. ശനിയാഴ്ച പുലർച്ചെ 5:00 മുതൽ രാവിലെ 10:00 വരെയാകും ​ഗതാ​ഗത നിയന്ത്രണം ഏർപ്പെടുത്തുക.

ALSO READ: അടിസ്ഥാന സൗകര്യ വികസനത്തിൽ വിപ്ലവത്തിനൊരുങ്ങി യുഎഇ; 2026-ൽ നടപ്പാക്കുന്നത് മൾട്ടി ബില്യൺ ദിർഹം വികസന പദ്ധതികൾ

E20 റോഡിലെ അറ്റകുറ്റപ്പണികൾ

അടിസ്ഥാന സൗകര്യ വികസനത്തിന്റെ ഭാഗമായി അൽ ഫുർസാൻ സ്ട്രീറ്റ്, അൽ ഖലീജ് അൽ അറബി സ്ട്രീറ്റ് (E20) എന്നിവയുടെ കവലയിൽ ഭാഗികമായി റോഡ് അടച്ചിടും.

അബുദബിയിലേക്കുള്ള വലത് പാത ഏപ്രിൽ 17 വെള്ളിയാഴ്ച ഉച്ചയ്ക്ക് 2:00 മുതൽ ഏപ്രിൽ 20 തിങ്കളാഴ്ച പുലർച്ചെ 5:00 വരെ അടച്ചിടും. അൽ ഫുർസാൻ സ്ട്രീറ്റിൽ നിന്നുള്ള പ്രവേശന കവാടങ്ങളും എക്സിറ്റുകളും ഏപ്രിൽ 18 ശനിയാഴ്ച പുലർച്ചെ 12:00 മുതൽ ഏപ്രിൽ 19 ഞായറാഴ്ച രാത്രി 11:00 വരെ അടയ്ക്കും.

യാത്രക്കാർ വഴിതിരിച്ചുവിടൽ അടയാളങ്ങൾ (Diversion Signs) കൃത്യമായി പാലിക്കണമെന്നും തടസ്സമില്ലാത്ത യാത്രയ്ക്കായി ബദൽ പാതകൾ ഉപയോഗിക്കണമെന്നും എഡി മൊബിലിറ്റി അഭ്യർത്ഥിച്ചു.

major roads in abu dhabi will remain partially closed until monday due to the ‘run for the nation’ race and ongoing maintenance works. authorities have urged motorists to plan routes in advance and follow traffic updates to avoid delays during the temporary road restrictions across the city.