വൈശാലി: ബിഹാറില്‍ പൊലിസുകാര്‍ മൃതദേഹത്തിന്റെ കഴുത്തില്‍ കയര്‍കെട്ടി വലിച്ചുകൊണ്ടുപോയി. ദൃശ്യങ്ങള്‍ മാധ്യമങ്ങളിലൂടെ പുറത്തു വന്നു. വൈശാലി ജില്ലയില്‍ ഗംഗാ നദിയില്‍ മരിച്ച നിലയില്‍ കണ്ടെത്തിയയാളുടെ മൃതദേഹത്തോടാണ് പൊലിസ് അനാദരവ് കാണിച്ചത്.

വിവരമറിയിച്ച് രണ്ടു മണിക്കൂറിനു ശേഷമാണ് പൊലിസ് എത്തിയത്. പുഴയില്‍ നിന്നും മൃതദേഹം എടുക്കുകയും ഇതിനു ശേഷം ജനക്കൂട്ടം നോക്കിനില്‍ക്കെ പുഴക്കരയില്‍ നിന്ന് വാഹനത്തിലേക്ക് വലിച്ചിഴക്കുകയുമായിരുന്നു. ആംബുലന്‍സോ മറ്റു ജോലിക്കാരെയോ ലഭിക്കാത്തതിനാലാണ് ഇങ്ങനെ ചെയ്തതെന്നാണ് പൊലിസിന്റെ വാദം. സംഭവത്തില്‍ രണ്ടു പൊലിസുകാരെ സസ്‌പെന്റ് ചെയ്തിട്ടുണ്ട്. വൈശാലിയില്‍ ഇത്തരം സംഭവം നേരത്തെയും നടന്നിരുന്നു.