തവനൂര്‍: തവനൂരില്‍ തോല്‍വി സമ്മതിച്ച് കെ.ടി ജലീല്‍. വി.എസ് ജോയിക്ക് അഭിനന്ദനങ്ങള്‍ അറിയിച്ചുകൊണ്ട് കെ.ടി ജലീല്‍ ഫേസ്ബുക്ക് പോസ്റ്റ് പങ്കുവെച്ചു. ജനവിധി അംഗീകരിക്കുന്നതായും ജലീല്‍ കുറിച്ചു. 

കെ.ടി ജലീലിന്റെ ഫേസ്ബുക്ക് കുറിപ്പിന്റെ പൂര്‍ണരൂപം: 

'ജനവിധി അംഗീകരിക്കുന്നു. വി.എസ് ജോയിക്ക് അഭിനന്ദനങ്ങള്‍. തവനൂര്‍കാരോട് എന്നും സ്‌നേഹം മാത്രം. ഇടതുപക്ഷ ചേരിയില്‍ ഉറച്ചു നിന്ന് കൂടുതല്‍ കരുത്തോടെ ജനങ്ങള്‍ക്കൊപ്പമുണ്ടാകും'.

ജില്ലയില്‍ എല്‍.ഡി.എഫിന് വേരോട്ടമുണ്ടായിരുന്ന മണ്ഡലമാണ് തവനൂര്‍. ഇവിടെ 15 വര്‍ഷമായി ജലീല്‍  തന്നെയാണ് മത്സരിച്ച് ജയിച്ചുവന്നത്.