കൊപ്പം: പുലാമന്തോള്‍ ഫൗണ്ടേഷന്‍ ഫോര്‍ എഡ്യൂക്കേഷന്‍, റിസര്‍ച്ച് ആന്റ് ഇന്നോവേഷന്‍ (ഫെറി) സംഘടിപ്പിക്കുന്ന വിദ്യാഭ്യാസ ശില്പശാല ഇന്ന് രാവിലെ 9:30 മുതല്‍ ഉച്ചയ്ക്ക് ഒന്നു വരെ പുലാമന്തോള്‍ കൈരളി ഓഡിറ്റോറിയത്തില്‍ നടക്കും.
ശില്പശാലയില്‍ 'സിവില്‍ സര്‍വ്വീസ് ഒരു ജീവിത വഴികാട്ടി' എന്ന വിഷയത്തില്‍ കേരള പ്രിന്‍സിപ്പല്‍ അക്കൗണ്ട് ജനറല്‍ സി. ഗോപിനാഥന്‍ , 'ഗാന്ധിയും ഇന്ത്യയും' എന്ന വിഷയത്തില്‍ കാലിക്കറ്റ് സര്‍വ്വകലാശാല വിസിറ്റിങ് പ്രൊഫസര്‍ ഡോ. ആര്‍. സുരേന്ദ്രന്‍ ക്ലാസെടുക്കും.
പുലാമന്തോള്‍ കേന്ദ്രീകരിച്ച് പ്രവര്‍ത്തിക്കുന്ന ഫെറി, വിദ്യാര്‍ഥികള്‍ക്കും അധ്യാപകര്‍ക്കും രക്ഷിതാക്കള്‍ക്കും പഠനമേഖലകളിലെ വിവിധ സാധ്യതകളെക്കുറിച്ച് മാര്‍ഗദര്‍ശനം നടത്തുക എന്ന ഉദ്ദേശത്തോടെയാണ് പ്രവര്‍ത്തിക്കുന്നത്. ശില്പശാലയില്‍ പങ്കെടുക്കുന്നതിനുള്ള രജിസ്‌ട്രേഷന്‍ സൗജന്യമാണ്.