തെറ്ഹാൻ/ വാഷിങ്ടൺ : ഇറാൻ-യു.എസ് യുദ്ധം അവസാനിപ്പിക്കാൻ മധ്യസ്ഥരായ പാകിസ്ഥാൻ മുഖേന ഇറാൻ നൽകിയ മറുപടി അംഗീകരിക്കാനാകില്ലെന്ന് യു.എസ് പ്രസിഡന്റ് ഡൊണാൾഡ് ട്രംപ്. താൻ ഇത് ഇഷ്ടപ്പെടുന്നില്ലെന്നും പൂർണമായി തള്ളിക്കളയുന്നുവെന്നും ട്രംപ് തന്റെ സമൂഹ മാധ്യമമായ ദി ട്രൂത്തിൽ കുറിച്ചു. 

സ്ഥിരം വെടിനിർത്തലിന് അമേരിക്ക മുന്നോട്ടുവയ്ക്കുന്ന ആവശ്യങ്ങൾ അന്യായമായ ഉപാധികളാണെന്ന് ഇറാനും പ്രതികരിച്ചു. ട്രംപിന്റെ പ്രതികരണം പുറത്തുവന്നതിനു പിന്നാലെ ഇറാൻ വിദേശകാര്യ മന്ത്രാലയം വക്താവ് ഇസ്മാഈൽ ബഗേയ് ആണ് ഇക്കാര്യം വ്യക്തമാക്കിയത്. കഴിഞ്ഞ ദിവസം ട്രംപാണ് ഇറാനു മുന്നിൽ പുതിയ സമാധാന ഉടമ്പടികൾ മുന്നോട്ടുവച്ചത്. ഇതിനു മറുപടി നൽകിയതായി ഇറാൻ അറിയിച്ചിരുന്നു. പാകിസ്ഥാൻ വഴിയാണ് ഇറാൻ ഉടമ്പടികൾ കൈമാറിയത്. 

എന്നാൽ ഇതു അംഗീകരിക്കില്ലെന്ന് യു.എസിന്റെ പ്രതികരണം വന്നതോടെ, മേഖല വീണ്ടും സംഘർഷത്തിലേക്ക് നീങ്ങുന്നുവെന്നാണ് സൂചന. ഇറാൻ ഇപ്പോഴും യു.എസുമായി ഗെയിം കളിക്കുകയാണെന്ന് ട്രംപ് കുറ്റപ്പെടുത്തി. അവർ കഴിഞ്ഞ 47 വർഷമായി യു.എസുമായി മാത്രമല്ല, ലോകത്തിലെ മറ്റു രാജ്യങ്ങളെയും ഇതുപോലെ കളിപ്പിക്കുകയാണെന്നും, അവർക്ക് ഇനി കൂടുതൽ ചിരിക്കാൻ കഴിയില്ലെന്നും ട്രംപ് കുറിച്ചു.

ലബനാൻ ഉൾപ്പെടെയുള്ള പ്രദേശങ്ങളിലെ ആക്രമണം നിർത്തിയ ശേഷം ഹോർമുസിലെ തങ്ങളുടെ നിയന്ത്രണം ഉറപ്പു വരുത്തണമെന്നുമാണ് യു.എസിന് നൽകിയ മറുപടിയിൽ ഇറാൻ പ്രധാനമായും ഉന്നയിച്ച ആവശ്യങ്ങൾ. ഹോർമുസിൽ ഇറാന് പൂർണ നിയന്ത്രണമെന്ന ആവശ്യത്തെയാണ് ട്രംപ് എതിർക്കുന്നത്. മേഖലയിലാകെ യുദ്ധം നിർത്തുന്നതാണ് തങ്ങളുടെ ആവശ്യമെന്ന് ഇറാൻ ആവർത്തിച്ചു.

In May 2026, diplomatic relations between the United States and Iran have reached a critical impasse. Following a period of intense military conflict that began in February 2026, President Donald Trump has officially dismissed Iran’s latest peace proposal, describing the ceasefire as being on "life support.