തിരുവനന്തപുരം: മോഡലിങ്ങിന്റെ മറവില്‍ യുവതികളെ വിദേശ സെക്‌സ് റാക്കറ്റിന്റെ കെണിയില്‍പ്പെടുത്തിയ കേസില്‍ കൂടുതല്‍ അറസ്റ്റിലേക്ക് അന്വേഷണ സംഘം. ഇന്നലെ അറസ്റ്റിലായ കൊച്ചിയിലെ മോഡല്‍ അലീനയെ പൊലിസ് ഇന്നും ചോദ്യം ചെയ്യും. മുംബൈയില്‍ നിന്ന് കസ്റ്റഡിയിലെടുത്ത പ്രതി സിന്ധുവിനെ ഇന്ന് നാട്ടിലെത്തിക്കും. 

വിദേശ സെക്‌സ് റാക്കറ്റുകളുമായി പ്രതികള്‍ക്ക് ബന്ധമുണ്ടെന്ന് പൊലിസ് പറഞ്ഞു. നിരവധി മോഡലുകളെ പ്രതികള്‍ ഇത്തരത്തില്‍ വിദേശത്തേക്ക് കയറ്റി അയച്ചിട്ടുണ്ട്. യുവതികള്‍ ക്രൂരപീഡനത്തിന് ഇരയായെന്നാണ് കണ്ടെത്തല്‍. ദുബൈയില്‍ എത്തിച്ച് ലഹരി നല്‍കി പീഡിപ്പിച്ചു. ദൃശ്യങ്ങള്‍ പകര്‍ത്തി ഭീഷണിപ്പെടുത്തിയും പീഡനം തുടര്‍ന്നു. നിലവില്‍ മൂന്ന് പരാതികള്‍ മാത്രമാണ് പൊലിസിന് ലഭിച്ചത്. കേസില്‍ കൂടുതല്‍ പേര്‍ ഉള്‍പ്പെട്ടിട്ടുണ്ടെന്നാണ് റിപ്പോര്‍ട്ടുകള്‍. 

ALSO READ: ഇടിവെട്ടി മഴ പെയ്യും ! ഒന്‍പത് ജില്ലകള്‍ക്ക് ഇന്നും മുന്നറിയിപ്പ്; മത്സ്യത്തൊഴിലാളികള്‍ ജാഗ്രത പാലിക്കണം 

അതേസമയം കൊച്ചിയില്‍ നിന്നാണ് അലീനയെ കസ്റ്റഡിയിലെടുത്തത്. ഇവര്‍ക്കെതിരെ നേരത്തെയും ക്രിമിനല്‍ കേസുകള്‍ നിലവിലുണ്ടെന്ന് പൊലിസ് അറിയിച്ചു. ഗുണ്ട സംഘങ്ങളുമായുള്ള ബന്ധത്തെക്കുറിച്ചും അന്വേഷണം പുരോഗമിക്കുകയാണ്.