പൂനെ: ഇന്ത്യന്‍ ചെസ്സ് താരം ആര്യന്‍ ചോപ്രയ്ക്ക് ഗ്രാന്‍ഡ് മാസ്റ്റര്‍ പദവി. 2500 എലോ പോയിന്റുകള്‍ നേടിയാണ് 14കാരനായ ആര്യന്‍ ഗ്രാന്‍ഡ് മാസ്റ്റര്‍ പദവിയിലേക്കുയര്‍ന്നത്.
മലേഷ്യയില്‍ നടന്ന ഡാറ്റോ ആര്‍തര്‍ ടാന്‍ അന്താരാഷ്ട്ര ഓപണ്‍ ചെസ്സ് ടൂര്‍ണമെന്റില്‍ തുടര്‍ച്ചയായ മൂന്നു വിജയങ്ങള്‍ സ്വന്തമാക്കിയാണ് ആര്യന്റെ നേട്ടം. നിലവില്‍ മത്സരിക്കുന്നവരില്‍ ഗ്രാന്‍ഡ് മാസ്റ്റര്‍ പദവി ലഭിച്ച ഏറ്റവും പ്രായം കുറഞ്ഞ താരമെന്ന ബഹുമതിയും ഇനി ആര്യനു സ്വന്തം.
കുറഞ്ഞ പ്രായത്തില്‍ ഈ പദവി ലഭിക്കുന്ന രണ്ടാമത്തെ ഇന്ത്യന്‍ താരമാണ് ആര്യന്‍. നേരത്തെ പരിമര്‍ജന്‍ നെഗി 13ാം വയസില്‍ ഗ്രാന്‍ഡ് മാസ്റ്റര്‍ പദവി നേടിയിരുന്നു.